- Джангызны оту джарыкъ джанмаз!
- Акъыллы айтыр эди, акъылсыз къоймайды.
- Байлыкъдан саулукъ ашхыды.
- Къатын байлыкъны сюер, эр саулукъну сюер.
- Тели турса – той бузар.
- Тешигини къатында, чычхан да батыр болур.
- Бир онгсуз адам адет чыгъарды, деб эштирик тюлсе.
- Джашда акъыл джокъ, къартда къарыу джокъ.
- Чакъырылмагъан джерге барма, чакъырылгъан джерден къалма.
- Булут кёкге джарашыу, уят бетге джарашыу.
- Къарны аманнга къазан такъдырма, къолу аманнга от джакъдырма.
- Ана – юйню кюн джарыгъы.
- Кийим тукъум сордурур.
- Дженгил джетерикме деб, узун джолну къоюб, къысхасын барма.
- Мухар, кеси тойса да, кёзю тоймаз.
- Кёл – къызбай, къол – батыр.
- «Ма», - дегенни билмесенг, «бер», - дегенни билмезсе.
- От кюйдюрген, сау болса да, тот кюйдюрген, сау болмаз.
- Керти сёзге тёре джокъ.
- Тенги кёбню джау алмаз, акъылы кёбню дау алмаз.
- Айырылмаз джууугъунга, унутмаз сёзню айтма.
- Джаным-тиним – окъуу, билим.
- Хазыр ашха – терен къашыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эки къатын алгъанны къулагъы тынгнгаймаз.
- Аман адамны тепсинге олтуртсанг, къызынгы тилер.
- Къонакъ болсанг, ийнакъ бол.
- Адебни адебсизден юрен.
- Ишлегенде эринме, ишде чолакъ кёрюнме.
- Къозулугъунда тоймагъан, къойлугъунда тоймаз.
- Башланнган иш битер, къымылдагъан тиш тюшер.
- Къарт болгъан джерде, берекет болур, сабий болгъан джерде, оюн болур.
- Шекер бла туз – бир болмаз, ушамагъан – юй болмаз.
- Джырчы ёлсе, джыры къалыр.
- Кирсизни – саны таза, халалны – къаны таза.
- Окъугъанны бети джарыкъ.
- Джылар джаш, атасыны сакъалы бла ойнар.
- Атлыны кёрсе, джаяуну буту талыр.
- Ётюрюкчюню шагъаты – къатында.
- Онгсузну – джакъла, тенгликни – сакъла.
- Иги адамны бир сёзю эки болмаз.
- Къызын тута билмеген, тул этер, джашын тута билмеген, къул этер.
- Чалманны аллы къалай башланса, арты да алай барады.
- Илму – джашауну джолу.
- Джаз бир кюнню джатсанг, къыш талай кюнню абынырса.
- Башы ишлегенни, ауузу да ишлер.
- Байма, деб да, къууанма, джарлыма, деб да, джылама.
- Биреуге аманлыкъ этиб, кесинге игилик табмазса.
- Адеби болмагъан къыз – тузсуз хант.
- Уллу сёзде уят джокъ.
Внимание!!!Срочно!!!Сдаю комнату в Москве!
Читают тему (гостей: 1)