- Рысхы джалгъанды: келген да этер, кетген да этер.
- Ишге юренсин къоллары, халкъ бла болсун джоллары.
- Джыгъылгъанны сырты джерден тоймаз.
- Джаным-тиним – окъуу, билим.
- Кёпюр салгъан кеси ётер, уру къазгъан кеси кетер.
- Джарлыны эшигин махтагъан джабар.
- Адам къаллай бир ишленмесе, аллай бир кесин уллу кёреди.
- Эл бла кёргенинг эрелей.
- Ишлегенде эринме, ишде чолакъ кёрюнме.
- Айранын берсенг, челегин да къызгъанма.
- Чыкълы кюнде чыкъмагъан, чыкъса къуру кирмеген.
- Къайтырыкъ эшигинги, къаты уруб чыкъма.
- Джюз элде джюз ёгюзюм болгъандан эсе, джюз джууугъум болсун.
- Кесине оноу эте билмеген, халкъына да эте билмез.
- Ариу сёзде ауруу джокъ.
- Ашхы атаны – джашы ашхы, ашхы ананы – къызы ашхы.
- Тойгъа барсанг, тоюб бар, эски тонунгу къоюб бар.
- Ашда – бёрю, ишде – ёлю.
- Элде адам къалмаса, ит тахтагъа минер.
- Окъумагъан сокъурду, сокъур ташха абыныр!
- Иги – алгъыш этер, аман – къаргъыш этер.
- Эм уллу байлыкъ – джан саулукъ.
- Иги сеники эсе да, сюйген кесимикин этеме.
- Келинин тута билмеген, къул этер, къызын тута билмеген, тул этер.
- Орундукъ тюбюнде атылсам да, орта джиликме, де да айлан.
- Къонакъ кёб келюучю юйню, къазаны отдан тюшмез.
- Ашатыргъа иш – ашхы, ишлетирге аш – ашхы.
- Келгинчи, къонакъ уялыр, келгенден сора, къонакъбай уялыр.
- Атынг аманнга чыкъгъандан эсе, джанынг тамагъынгдан чыкъсын.
- Джашлыкъ этмеген, башлыкъ этмез.
- Окъуу – билимни ачхычы, окъуу – дунияны бачхычы.
- Джерни букъусу кёкге къонмаз.
- Джигер – джаннга къыйынлыкъ.
- Этни да ашады, бетни да ашады.
- Ашда уялгъан – мухар, ишде уялгъан – хомух.
- Этни бети бла шорпасы.
- Келинни – келгинчи, бёркню кийгинчи кёр.
- Билген билмегенни юретген адетди.
- Къарнынг ауруса, ауузунгу тый
- Къулакъдан эсе, кёзге ышан.
- Аман адам элни бир-бирине джау этер.
- Аш хазыр болса, иш харам болур.
- Мадар болса, къадар болур.
- Кютгени беш эчки, сызгъыргъаны уа, джерни джарады.
- Телини эшигин, махтау джабар.
- Джаралыны джастыгъында сау ёлюр.
- Мухардан ач ычхынмаз.
- Къууут – джелге, берне – бошха.
- Башы ишлегенни, ауузу да ишлер.
- Байлыкъ тауусулур, билим тауусулмаз.
Внимание!!!Срочно!!!Сдаю комнату в Москве!
Читают тему (гостей: 1)