- Эм уллу байлыкъ – джан саулукъ.
- Билгенни къолу къарны джандырыр.
- Джашны джигитлиги сорулур, къызны джигерлиги сорулур.
- Башсыз урчукъ тюзюне айланмаз.
- Ётюрюкню башын керти кесер.
- Аман адамны тепсинге олтуртсанг, къызынгы тилер.
- Сибиртки да сыйлы болду, кюрек да кюнлю болду.
- Кёб джат да, бек чаб.
- Джылкъыдан – ат чыгъар, тукъумдан – джаш чыгъар.
- Адам къыйынлыгъын кёлтюрюр, зауукълугъун кёлтюрмез.
- Суу кетер, таш къалыр.
- Бир абыннган – минг сюрюнюр.
- Босагъагъа джууукъ орун болса, ашыгъыб тёрге озма.
- Ачлыкъ отха секиртир.
- Аз сёлеш, кёб ишле.
- Бал – татлы, балдан да бала – татлы.
- Къулакъдан эсе, кёзге ышан.
- Эшекни не къадар тюйсенг да, ат болмаз.
- Керилген да, ургъан кибикди.
- Тёзгеннге, джабылгъан эшик ачылыр.
- Эрни эр этерик да, къара джер этерик да, тиширыуду.
- Джаханимни кёрмей, джандетге кёл салмазса.
- Аманнга игилик этсенг, юйюнге сау бармазса.
- Ханы къызы буюгъа-буюгъа киштик болду.
- Аджалсыз ёлюм болмаз.
- Адам къаллай бир ишленмесе, аллай бир кесин уллу кёреди.
- Кёз – сюйген джерде, къол – ауругъан джерде.
- Чакъырылмагъан къонакъ тёрге атламаз.
- Сууда джау джокъ, кёб сёзде магъана джокъ.
- Айтханы чапыракъдан ётмеген.
- Джашлыкъ этмеген, башлыкъ этмез.
- Оюмсуз атлагъан, аджалсыз ёлюр.
- Къууут – джелге, берне – бошха.
- Къыз чыгъаргъан – къызыл къымжа.
- Байлыкъ келсе, акъыл кетер.
- Аджал соруб келмез, келсе, къайтыб кетмез.
- Дуния аламаты сен эсенг да, игиме деб айтма.
- Намысы болмагъанны, сыйы болмаз.
- Арпа, будай – ащды, алтын, кюмюш а – ташды.
- Ашыкъгъанны этеги бутуна чырмалыр.
- Кесине гебен этелмеген, биреуге черен эте эди.
- Адамны джюреги нени кёрюрге сюйсе, кёзю да аны кёрюрге ёч болады.
- Ушамагъан – джукъмаз.
- Тойгъандан сора, ашны сёкме.
- Миллетни бойну – базыкъ, аны бла кюрешген – джазыкъ.
- Ёгюзню мюйюзюнден тутадыла, адамны сёзюнден тутадыла.
- Тулпарлыкъ, билекден тюл – джюрекден.
- Ёлген эшек бёрюден къоркъмайды.
- Тойгъа алгъа да барма, тойда артха да къалма.
- Бал чибинни ургъаны – ачы, балы – татлы.
Разница между испытанием и наказанием...
Читают тему (гостей: 1)