- Мал кёб болса, джууукъ кёб болур.
- Ач, тоймам, дейди, тойгъан, ач болмам, дейди.
- Ач къалгъандан, кеч къалгъан къолай.
- Тас болгъан бычакъны сабы – алтын.
- Эли джокъну – кёлю джокъ.
- Аурууну келиую тынч, кетиую – къыйын.
- Кийимни бир кюнню аясанг, минг кюннге джарар.
- Чабар ат – джетген къыз.
- Чарсда алчыны эл кёреди.
- Тюзлюк тас болмайды.
- Таукел тауну аудурур.
- Сангырау къулакъ эл бузар.
- Аджаллыгъа окъсуз шкок атылыр.
- Акъыллы эркиши атын махтар, акъылсыз эркиши къатынын махтар.
- Биреуге кёлтюрген таягъынг, кесинги башынга урур.
- Ачылгъан эт джабылыр, кёрген кёз унутмаз.
- Адеб базарда сатылмаз.
- Намыс болмагъан джерде, насыб болмаз.
- Билеги кючлю, бирни джыгъар, билими кючлю, мингни джыгъар.
- Экеулен сёлеше тура эселе, орталарына барыб кирме.
- Ётюрюкню къуйругъу – бир тутум.
- Къарнынг бла ёч алма.
- Хар адамгъа кеси миннген тау кибик.
- Эрине къаргъыш этген къатын, эрнин къабар.
- Арпа, будай – ащды, алтын, кюмюш а – ташды.
- Экиндини кеч къылсанг, чабыб джетер ашхам.
- Этек чакъмакълары баш джаргъан, сёлешген сёзлери таш джаргъан.
- Джарлы тюеге минсе да, ит къабар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джангыз торгъай джырламаз.
- Ишлемеген – тишлемез.
- Битмегеннге сакъал – танг.
- Къонакъ болсанг, ийнакъ бол.
- Тилчиден кери бол.
- Тёзгеннге, джабылгъан эшик ачылыр.
- Аманнга игилик этсенг, юйюнге сау бармазса.
- Кесине гебен этелмеген, биреуге черен эте эди.
- Келинин тута билмеген, къул этер, къызын тута билмеген, тул этер.
- Къууут – джелге, берне – бошха.
- Джол бла сёзню къыйыры джокъ.
- Ачыкъ джюрекге джол – ачыкъ.
- Игиге айтсанг – билир, аманнга айтсанг – кюлюр.
- Тойгъандан сора, ашны сёкме.
- Баланы адам этген анады.
- Къыз тиширыу кеси юйюнде да къонакъды.
- Ётюрюкню башын керти кесер.
- Джаным-тиним – окъуу, билим.
- Чакъырылмай келген къонакъ сыйланмай кетер.
- Минг тенг да азды, бир джау да кёбдю.
- Чыбыкълыкъда бюгюлмеген, къазыкълыкъда бюгюлмей эди.
