- Эрине къаргъыш этген къатын, эрнин къабар.
- Кёзю сокъурдан – къоркъма, кёлю сокъурдан – къоркъ.
- Бет бетге къараса, бет да джерге къарар.
- Экиндини кеч къылсанг, чабыб джетер ашхам.
- Келгинчи, къонакъ уялыр, келгенден сора, къонакъбай уялыр.
- Рысхысына кёре, джаш ёсер, къышлыгъына кёре, мал ёсер.
- Кёб джашагъан – кёб билир.
- Сёлеш деб шай берген, тохта деб, сом берген.
- Сютден ауузу кюйген, суугъа юфгюре эди.
- Биреуню къыйынлыгъы бла кесинге джол ишлеме.
- Адебни адебсизден юрен.
- Таш ата билмеген, башына урур.
- Бек анасы джыламаз.
- Чакъырылмагъан къонакъ тёрге атламаз.
- Къазанчы аман болса, къазаны къайнамаз.
- Алим болгъандан эсе, адам болгъан къыйынды.
- Иги адам абынса да, джангылмаз.
- Тюзлюк тас болмайды.
- Джюз элде джюз ёгюзюм болгъандан эсе, джюз джууугъум болсун.
- Атадан ёксюз – бир ёксюз, анадан ёксюз – эки ёксюз.
- Чабакъ башындан чирийди.
- Агъач – джерни чырайы, кийим – эрни чырайы.
- Асхат ашлыкъ сата, юйдегиси ачдан къата.
- Кёзюнде тереги болгъан, чёбю болгъаннга кюле эди.
- Накъырданы арты керти болур.
- Кюн кёрмеген, кюн кёрсе, кюндюз чыракъ джандырыр.
- Ишге юренсин къоллары, халкъ бла болсун джоллары.
- Чёбню кёлтюрсенг, тюбюнден сёз чыгъар.
- Алма терегинден кери кетмез.
- Аууздан келген, къолдан келсе, ким да патчах болур эди.
- Эринчекни аурууу – кёб.
- Тёрдеги кюлсе, эшикдеги ышарыр.
- Рысхы – сют юсюнде кёмюк кибикди.
- Чакъырылмагъан къонакъ – орунсуз.
- Башланнган иш битер, къымылдагъан тиш тюшер.
- Тёзгеннге, джабылгъан эшик ачылыр.
- Кёпюр салгъан кеси ётер, уру къазгъан кеси кетер.
- Бозаны арты дауур болур.
- Байлыкъ адамны сокъур этер.
- Хата – гитчеден.
- Эркишиге тары кебек танг кёрюнюр.
- Ауругъан – джашаудан умутчу.
- Чомартны къолу берекет.
- Шекер бла туз – бир болмаз, ушамагъан – юй болмаз.
- Ким бла джюрюсенг, аны кёзю бла кёрюнюрсе.
- Арбаз сайлама да, хоншу сайла.
- Ашхы сёз таш тешер.
- Иги джашны ышаны – аз сёлешиб, кёб тынгылар.
- Тилсиз миллет джокъ болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Где в Москве делают никях?
|
Да,в Москве
|
|
|
|
|
Читают тему (гостей: 1)