- Биреуню тёрюнден, кесинги эшик артынг игиди.
- Тилсиз миллет джокъ болур.
- Айтхан сёзюне табылгъан.
- Окъугъанны бети джарыкъ.
- Къозулугъунда тоймагъан, къойлугъунда тоймаз.
- Къызны минг тилер, бир алыр.
- Ашаса, ашамаса да, бёрюню ауузу – къан.
- Джюз элде джюз ёгюзюм болгъандан эсе, джюз джууугъум болсун.
- Хаухну атма, ёнгкючню сатма.
- Кенгеш болса, уруш болмаз.
- Аз сёлеш, кёб ишле.
- Асхат ашлыкъ сата, юйдегиси ачдан къата.
- Джарашыу сюйген – джалынчакъ.
- Мени джылытмагъан кюн, меннге тиймесин!
- Намысы джокъну – дуниясы джокъ.
- Джангыз торгъай джырламаз.
- Билмезни кёзю кёрмез, этмезни къулагъы эшитмез.
- Киштикге къанат битсе, чыпчыкъ къалмаз эди.
- Аман къатын сабий табса, бий болур…
- Ёгюзню мюйюзлери ауурлукъ этмейдиле.
- Тил – миллетни джаны.
- Джыйырма къойну юч джыйырма эбзе кюте эди.
- Эртде тургъан бла эртде юйленнген сокъуранмаз.
- Ишни аллы бла къууанма да, арты бла къууан.
- Акъыллы башны – тили къысха.
- Адам боллукъ, атламындан белгили болур.
- Тили узунну, намысы – къысха.
- Байны къызы баймакъ болса да, юйде къалмаз!
- Аз сёлешген, къайгъысыз турур.
- Къонакъ аман болса, къонакъбай джунчур
- Узун джолну барсанг, бюгюн келирсе, къысха джолну барсанг, тамбла келирсе.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ичимден чыкъды хата, къайры барайым сата?
- Адебсиз адам – джюгенсиз ат.
- Ашыкъгъанны этеги бутуна чырмалыр.
- Джарлы тюеге минсе да, ит къабар.
- Тилчиден кери бол.
- Халкъгъа джарагъан, джарлы къалмаз.
- Джылкъыдан – ат чыгъар, тукъумдан – джаш чыгъар.
- Айранын берсенг, челегин да къызгъанма.
- Уллу атлама – абынырса, уллу къабма – къарылырса.
- Ётген ёмюр – акъгъан суу.
- Кюн – узун, ёмюр – къысха.
- Кийимни бир кюнню аясанг, минг кюннге джарар.
- Ач да бол, токъ да бол – намысынга бек бол.
- Къан бла кирген, джан бла чыгъар.
- Тойгъан джерге джети къайт.
- Ойнай-ойнай кёз чыгъар.
- Кесине оноу эте билмеген, халкъына да эте билмез.
- Ёлюр джаннга, ёкюл джокъ.
Где в Москве делают никях?
|
Да,в Москве
|
|
|
|
|
Читают тему (гостей: 1)