- Адебни адебсизден юрен.
- Алим болгъандан эсе, адам болгъан къыйынды.
- Байма, деб да, къууанма, джарлыма, деб да, джылама.
- Этек чакъмакълары баш джаргъан, сёлешген сёзлери таш джаргъан.
- Ачлыкъ отха секиртир.
- Арыгъан къош чамчы болур.
- Ётюрюкден тюбю джокъ, кёлтюрюрге джиби джокъ.
- Иги – алгъыш этер, аман – къаргъыш этер.
- Керти сёзге тёре джокъ.
- Кютгени беш эчки, сызгъыргъаны уа, джерни джарады.
- Ач келгенни – тойдур, кеч келгенни – къондур.
- Къызгъанчдан ычхыныр, мухардан ычхынмаз.
- Гырджын – тепсини тамадасы.
- Аллахха ийнаннган кишини, Аллах онгдурур ишин.
- Айырылгъанланы айю ашар, бёлюннгенлени бёрю ашар.
- Эски джаугъа ышанма.
- Джолунга кёре – джюрюшюнг, джагъанга кёре – юлюшюнг.
- Юйюнгден чыкъдынг – кюнюнгден чыкъдынг.
- Суугъа – таянма, джаугъа – ийнанма.
- Соргъан айыб тюлдю, билмеген айыбды.
- Элде адам къалмаса, ит тахтагъа минер.
- Агъач – джерни чырайы, кийим – эрни чырайы.
- Иги болса, тамадама – махтау, аман болса, меннге – айыб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тенги кёбню джау алмаз, акъылы кёбню дау алмаз.
- Сакъалы текени да бар, мыйыгъы киштикни да бар.
- Джылар джаш, атасыны сакъалы бла ойнар.
- Къазанны башы ачыкъ болса, итге уят керекди.
- Ариу джол аджал келтирмез.
- Уллу айтханны этмеген – уллаймаз.
- Ашхы тенг джолгъа салыр, аман тенг джолдан тайдырыр.
- Ёлмесенг да, къарт дамы болмазса?
- Эл ауузу – элия.
- Ашхы атаны – джашы ашхы, ашхы ананы – къызы ашхы.
- Чёбню кёлтюрсенг, тюбюнден сёз чыгъар.
- Игиге айтсанг – билир, аманнга айтсанг – кюлюр.
- Тура эдим джата, къайдан чыкъды хата?
- Айран ичген – къутулду, джугъусун джалагъан – тутулду.
- Джарлыны эшигин махтагъан джабар.
- Бюгюн дуния кибик, тамбла ахыратды.
- Юреннген ауруу къалмаз.
- Джумушакъ терекни къурт ашар.
- Мураты болгъанны джюрек тебюую башхады.
- Джолда аягъынга сакъ бол, ушакъда тилинге сакъ бол.
- Джан саулукъ бермей, сан саулукъ бермезсе.
- Чомарт бергенин айтмаз.
- Суугъа – чабакъ, къаягъа – ыргъакъ.
- Чарсда алчыны эл кёреди.
- Аууздан келген, къолдан келсе, ким да патчах болур эди.
- Билмегенинги, билгеннге сор.
Где в Москве делают никях?
05.02.2008 23:47:15
Да,в Москве
|
|
|
|
Читают тему (гостей: 1)