- Чомартны къолун джокълукъ байлар.
- Адамны джюреги нени кёрюрге сюйсе, кёзю да аны кёрюрге ёч болады.
- Ач уят къоймаз.
- Джюрекге ариу – кёзге да ариу.
- Ат басханны джер билед.
- Окъугъан – асыу, окъумагъан – джарсыу.
- Джан саулукъ бермей, сан саулукъ бермезсе.
- Сагъыш – къартлыкъгъа сюйюмчю.
- Уллу суу бла уллу ауруудан башынгы сакъла.
- Кёл – къызбай, къол – батыр.
- Хар зат кесини орнуна иги.
- Киштикге къанат битсе, чыпчыкъ къалмаз эди.
- Намысы джокъну – дуниясы джокъ.
- Джангызны оту джарыкъ джанмаз!
- Къызын тута билмеген, тул этер, джашын тута билмеген, къул этер.
- Баланы адам этген анады.
- Таугъа чыгъаллыкъ эсенг, тюзде къалма.
- Билим – акъылны чырагъы.
- Сютню башын джалагъан къутулур, тюбюн ичген тутулур.
- Ауузу аманнга «иги», деме.
- Аман адамны тепсинге олтуртсанг, къызынгы тилер.
- Айранын берсенг, челегин да къызгъанма.
- Чомарт джарлы болмаз.
- Эм уллу байлыкъ – джан саулукъ.
- Сууда джау джокъ, кёб сёзде магъана джокъ.
- Билими азны – ауузунда кирит.
- Уллу сёзде уят джокъ.
- Къобан да къуру да къобханлай турмайды, адам да къуру да патчахлай турмайды.
- Биреуню къыйынлыгъы бла кесинге джол ишлеме.
- Ашына кёре табагъы, балына кёре къалагъы.
- Дженгил джетерикме деб, узун джолну къоюб, къысхасын барма.
- Адамны бетине къарама, адетине къара.
- Игини сыйлагъан адетди.
- Къанны къан бла джуума, аманны аман бла къуума.
- Берекет берсин деген джерде, берекет болур.
- Акъыл неден да кючлюдю.
- Миллетни бойну – базыкъ, аны бла кюрешген – джазыкъ.
- Сабийликде юретмесенг, уллу болса – тюзелмез.
- Насыблы элин сюер, насыбсыз кесин сюер.
- Тамырсыз терекге таянма – джыгъылырса.
- Джыгъылгъанны сырты джерден тоймаз.
- Чакъырылмагъан къонакъ тёрге атламаз.
- Этим кетсе да, сюегим къалыр.
- Чомартха Тейри да борчлуду.
- Ач отунчуну ачыуу – бурнунда.
- Тил – миллетни джаны.
- Ёзденликни джайгъан – джокълукъ.
- Ойнай билмеген, уруб къачар.
- Уллу къазанда бишген эт, чий къалмаз.
- Ханнга да келеди хариблик.
Для тех хочет заработать и при этом сделать полезное дело
Читают тему (гостей: 1)