- Босагъагъа джууукъ орун болса, ашыгъыб тёрге озма.
- Сёз садакъдан кючлюдю.
- Хар ишни да аллы къыйынды.
- Болджал ишни бёрю ашар.
- Джукъу тёшек сайламайды.
- Минг тенг да азды, бир джау да кёбдю.
- Акъыллы эркиши атын махтар, акъылсыз эркиши къатынын махтар.
- Къатыны харакетли болса, эри къымсыз болур.
- Адам сёзюнден белгили.
- Къулакъдан эсе, кёзге ышан.
- Аллахха ийнаннган кишини, Аллах онгдурур ишин.
- Ариу сёз джыланны орнундан чыгъарыр.
- Ашарыкъда сайлагъаннга – чий гырджын.
- Тойгъан джерден туугъан джер игиди.
- Эринчекге кюн узун.
- Адебсиз адам – джюгенсиз ат.
- Кесине оноу эте билмеген, халкъына да эте билмез.
- Ариу сёз – джаннга азыкъ, аман сёз – башха къазыкъ.
- Бёрю да ач къалмасын, эчки да ашалмасын.
- Иги сёз – джаннга азыкъ, аман сёз башха – къазыкъ.
- Окъугъан озар, окъумагъан тозар.
- Тойгъандан сора, ашны сёкме.
- Олтуруб кёрюнмей эди да, ёрге туруб кёрюне эди.
- Билим насыб берир, билим джолну керир.
- Ач отунчуну ачыуу – бурнунда.
- Билим – акъылны чырагъы.
- Эм ашхы къайын ана мамукъ бла башынгы тешер.
- Бетинги сатма, малынгы сат.
- Ётюрюк хапар аякъ тюбю бла джюрюйдю.
- Биреуге аманлыкъ этиб, кесинге игилик табмазса.
- Къуру гыбыт бек дыгъырдар.
- Аджашханны ызындагъы кёреди, джангылгъанны джанындагъы биледи.
- Ата Джуртуму башы болмасам да, босагъасында ташы болайым.
- Хунаны тюбюн къазсанг, юсюнге ауар.
- Бал ашаргъа сюе эсенг, чибин ургъаннга тёз.
- Чомартха Тейри да борчлуду.
- Гитче джилтин уллу элни джандырыр.
- Чабакъсыз кёлге къармакъ салгъанлыкъгъа, чабакъ тутмазса.
- Чомарт джарлы болмаз.
- Аман къатын алгъан, арыр, иги къатын алгъан джарыр.
- Къоркъакъны кёзю экили кёрюр.
- Игини сыйлагъан адетди.
- Хазыр ашха – терен къашыкъ.
- Айран тёгюлсе, джугъусу къалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Башынга джетмегенни сорма.
- Кёлю джокъну – джолу джокъ.
- Джарлыны тону джаз битер.
- Намысы болмагъанны, сыйы болмаз.
- Ач къалгъандан, кеч къалгъан къолай.
Концессионные соглашения
Читают тему (гостей: 1)