- Адамны джюреги нени кёрюрге сюйсе, кёзю да аны кёрюрге ёч болады.
- Кёпюр салгъан кеси ётер, уру къазгъан кеси кетер.
- Акъыл къартда, джашда тюйюлдю – башдады.
- Ашатыргъа иш – ашхы, ишлетирге аш – ашхы.
- Мени джылытмагъан кюн, меннге тиймесин!
- Ата Джуртуму башы болмасам да, босагъасында ташы болайым.
- Адам туугъан джеринде, ит тойгъан джеринде.
- Аджаллыгъа окъсуз шкок атылыр.
- Тойгъан антын унутур.
- Эки итни арасына сюек атма, эки адамны арасында сёз чыгъарма.
- Тау башында, тау болмаз, джангыз терек, бау болмаз.
- Джашлыкъ этмеген, башлыкъ этмез.
- Джахил болса анасы, не билликди баласы?
- Татлы сёз – балдан татлы.
- Арба аугъандан сора, джол кёргюзтюучю кёб болур.
- Аджашханны ызындагъы кёреди, джангылгъанны джанындагъы биледи.
- Суу кетер, таш къалыр.
- Хазыр ашха – терен къашыкъ.
- Суугъа – чабакъ, къаягъа – ыргъакъ.
- Урама да – ёледи, сатама да – келеди.
- Эрине къаргъыш этген къатын, эрнин къабар.
- Окъугъан озар, окъумагъан тозар.
- Ашын ашагъанынгы, башын да сыйла.
- Къанны къан бла джуума, аманны аман бла къуума.
- Элиб деген, элге болушур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Хар адамгъа кеси миннген тау кибик.
- Къарт болгъан джерде, берекет болур, сабий болгъан джерде, оюн болур.
- Ёгюзню мюйюзлери ауурлукъ этмейдиле.
- Джуртун къоругъан озар.
- Ойнай билмеген, уруб къачар.
- Аман хансны – урлугъу кёб.
- Къарнынг ауруса, ауузунгу тый
- Тили узунну, намысы – къысха.
- Къайгъы тюбю – тенгиз.
- Ач да бол, токъ да бол – намысынга бек бол.
- Элни кючю – эмеген.
- Термилгенинги табмазса, кюлгенинге тюберсе.
- Этек чакъмакълары баш джаргъан, сёлешген сёзлери таш джаргъан.
- Тёрде – темир таякълы, къаяда – чыпчыкъ аякълы.
- Ишни ахырын ойламай, аллын башлама.
- Юйюнгден чыкъдынг – кюнюнгден чыкъдынг.
- Уясында не кёрсе, учханында аны этер.
- Аджал соруб келмез, келсе, къайтыб кетмез.
- Тил – кесген бычакъ, сёз – атылгъан окъ.
- Аман эсирсе, юйюн ояр.
- Кийимни бичсенг, кенг бич, тар этген къыйын тюлдю.
- Магъанасыз сёз – тауушсуз сыбызгъы.
- Эшекге миннген – биринчи айыб, андан джыгъылгъан – экинчи айыб.
- Элде адам къалмаса, ит тахтагъа минер.
Рулеты из лаваша
Читают тему (гостей: 1)