Къартны бурнун сюрт да, оноугъа тут.
Намыс болмагъан джерде, насыб болмаз.
Сабий болмагъан джерде, мёлек болмаз.
Ач, тоймам, дейди, тойгъан, ач болмам, дейди.
Тенгни тенглиги джашай барсанг билинир.
Эринчекни аурууу – кёб.
Эки итни арасына сюек атма, эки адамны арасында сёз чыгъарма.
Эл ауузу – элия.
Ауузу аманнга «иги», деме.
Агъач халкъгъа алтынды, иссиликге салкъынды.
Адам сёзге тынгыла, акъыл сёзню ангыла.
Дуния малгъа сатылма, кесингден телиге къатылма.
Мени джылытмагъан кюн, меннге тиймесин!
Тели турса – той бузар.
Игилик игилик бла сингдирилиучю затды.
Баш болса, бёрк табылыр.
Эр сокъур болсун, къатын тилсиз болсун.
Бал чибинни ургъаны – ачы, балы – татлы.
Джюз элде джюз ёгюзюм болгъандан эсе, джюз джууугъум болсун.
Ариу сёз – джаннга азыкъ, аман сёз – башха къазыкъ.
Хар ишни да аллы къыйынды.
Билим ат болуб да чабар, къуш болуб да учар.
Айырылмаз джууугъунга, унутмаз сёзню айтма.
Элге къуллукъ этмеген, элге ие болмаз.
Тойгъа алгъа да барма, тойда артха да къалма.
Джарлы тюеге минсе да, ит къабар.
Къууут – джелге, берне – бошха.
Тенги кёбню джау алмаз, акъылы кёбню дау алмаз.
Суу кетер, таш къалыр.
Къарыусузгъа кюлме, онгсузгъа тийме.
Къыз келсе, джумуш эте келеди, къатын келсе, ушакъ эте келеди.
Айтхан – тынч, этген – къыйын.
Ата джурт – алтын бешик.
Аман эсирсе, юйюн ояр.
Джашны джигитлиги сорулур, къызны джигерлиги сорулур.
Кечеси – аяз, кюню – къыш, джарлы къаргъагъа бир аш тюш!
Къуру гыбыт бек дыгъырдар.
Келинин тута билмеген, къул этер, къызын тута билмеген, тул этер.
Тойгъан джерден туугъан джер игиди.
Ана кёлю – балада, бала кёлю – талада.
Ушамагъан – джукъмаз.
Хаухну атма, ёнгкючню сатма.
Итли къонакъ джарашмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аякъларынгы джууургъанынга кёре узат.
Ашхы адам – халкъ байлыгъы, ашхы джер – джашау байлыгъы.
Джигер – джаннга къыйынлыкъ.
Aдам боллукъ, сыфатындан белгили.
Аман адам этегингден тутса, кес да къач.
Тойгъандан сора, ашны сёкме.
