Ашхы болсанг, атынг чыгъар, аман болсанг, джанынг чыгъар.
Намыс болмагъан джерде, насыб болмаз.
Адамгъа аман кюн соруб келмейди.
Адамны аты башхача, акъылы да башхады.
Мадар болса, къадар болур.
Телини эшигин, махтау джабар.
Биреуню эскиси биреуге джангы болмайды.
Суу да къайтады чыкъгъан джерине.
Нёгер болсанг, тенг бол, тенг болмасанг, кенг бол.
Тёгюлген тюгел джыйылмайды.
Чоюнну башы ачыкъ болса, итге уят керекди.
Душманны тышы – акъ, ичи – къара.
Иги бла джюрюсенг, джетерсе муратынга, аман бла джюрюсенг, къалырса уятха.
Айырылмаз джууугъунга, унутмаз сёзню айтма.
Тенгни тенглиги джашай барсанг билинир.
Тойгъа барсанг, тоюб бар, эски тонунгу къоюб бар.
Ана – юйню кюн джарыгъы.
Шайтан алдады, тюзлюк къаргъады.
Къыйынлы джети элни къайгъысын этер.
Ушамагъан – джукъмаз.
Иги адамны бир сёзю эки болмаз.
Тулпарлыкъ, билекден тюл – джюрекден.
Этим кетсе да, сюегим къалыр.
Тилчиден кери бол.
Ауурну тюбю бла, дженгилни башы бла джюрюген.
Къобан да къуру да къобханлай турмайды, адам да къуру да патчахлай турмайды.
Айныгъанлы алты кюн, тогъайгъанлы тогъуз кюн.
Къонагъынгы артмагъын алма да, алгъышын ал.
Илму – джашауну джолу.
Сормай – алма, чакъырылмай – барма.
Байлыкъ тауусулур, билим тауусулмаз.
Байдан умут эте, джарлыдан ёгюз багъасы къорады.
Айтхан сёзюне табылгъан.
Къанны къан бла джуума, аманны аман бла къуума.
Гырджын – тепсини тамадасы.
Тас болгъан бычакъны сабы – алтын.
Ачлыкъ отха секиртир.
Садакъачыны джаны – къапчыгъында.
Хантына кёре тузу, юйюне кёре къызы.
Ишлегенде эринме, ишде чолакъ кёрюнме.
Бёрю да ач къалмасын, эчки да ашалмасын.
Джерни букъусу кёкге къонмаз.
Адамны адамлыгъы къыйынлыкъда айгъакъланады.
Юреннген ауруу къалмаз.
Билим насыб берир, билим джолну керир.
Ашхы тенг джолгъа салыр, аман тенг джолдан тайдырыр.
Рысхы – сют юсюнде кёмюк кибикди.
Ашыкъгъанны этеги бутуна чырмалыр.
Мал тутхан – май джалар.
Кёзден кетген, кёлден да кетеди.
