Айтылгъан буйрукъ, сёгюлмез
Кесине оноу эте билмеген, халкъына да эте билмез.
Аджалсыз ёлюм болмаз.
Кёзю сокъурдан – къоркъма, кёлю сокъурдан – къоркъ.
Аллахдан тилесенг, кёб тиле.
Къошда джокъгъа – юлюш джокъ.
Хар сёзню орну барды.
Суу кетер, таш къалыр.
Эки ойлашыб, бир сёлешген.
Ишни ахырын ойламай, аллын башлама.
Билим къая тешер.
Биреуге кёлтюрген таягъынг, кесинги башынга урур.
Джарашыу сюйген – джалынчакъ.
Ёмюрлюк шохлукъну джел элтмез.
Аманны эки битли тону болур, бирин сеннге кийдирир, бирин кеси киер.
Бек ашыкъгъан меннге джетсин, дегенди аракъы.
Тил – миллетни джаны.
Игиге айтсанг – билир, аманнга айтсанг – кюлюр.
Мал тутхан – май джалар.
Ач къалгъандан, кеч къалгъан къолай.
Джарлы эскисин джамаса, къууаныр.
Къонакъ хазыр болгъанлыкъгъа, къонакъбай хазыр тюлдю.
Аджаллыгъа окъсуз шкок атылыр.
Джети тилни билген джети кишиди.
Бозанг болмагъан джерге, къалагъынгы сукъма.
Уллу сёлешме да, уллу къаб.
Нарт сёз къарт болмаз.
Тюкюрюк баш джармаз, налат кёз чыгъармаз!
Бозаны арты дауур болур.
Ауругъан – джашаудан умутчу.
Джетген къыз джерли эшекни танымаз.
Татлы тилде – сёз ариу, чемер къолда – иш ариу.
Кёб джашагъан – кёб билир.
Бети къызарыучу адамны, джюреги харам болмаз.
Эр абынмай, эл танымаз.
Ким бла джюрюсенг, аны кёзю бла кёрюнюрсе.
Эл бла кёргенинг эрелей.
Магъанасыз сёз – тауушсуз сыбызгъы.
Чалманны аллы къалай башланса, арты да алай барады.
Чабакъгъа акъыл, табагъа тюшсе келеди.
Нёгер болсанг, тенг бол, тенг болмасанг, кенг бол.
Нёгерсизни джолу узун.
Экеу тутушса, биреу джыгъылыр.
Атадан ёксюз – бир ёксюз, анадан ёксюз – эки ёксюз.
Сабийликде юретмесенг, уллу болса – тюзелмез.
Аджал соруб келмез, келсе, къайтыб кетмез.
Аман къатын сабий табса, бий болур…
Ёлген ийнек сютлю болур.
Джашынгы кесинг юретмесенг, джашау юретир.
Керек ташны ауурлугъу джокъ.
