Къарт болгъан джерде, берекет болур, сабий болгъан джерде, оюн болур.
Сабийни джумушха джибер да, ызындан бар.
Эл бла кёргенинг эрелей.
Кёкдеги болмаса, джердегин кёрмейди.
Ётюрюкден тюбю джокъ, кёлтюрюрге джиби джокъ.
Чомарт къолда мал къалмаз.
Билимсиз иш бармаз.
Юйюнгден чыкъдынг – кюнюнгден чыкъдынг.
Иши джокъну, сыйы джокъ.
Терслик кетер, тюзлюк джетер.
Тёзген – тёш ашар!
Эм уллу байлыкъ – джан саулукъ.
Джол бла сёзню къыйыры джокъ.
Артына баргъанны, къатына барма.
Къайтырыкъ эшигинги, къаты уруб чыкъма.
Ёлген аслан – сау чычхан.
Аджашханны ызындагъы кёреди, джангылгъанны джанындагъы биледи.
Ханнга да келеди хариблик.
Байлыкъ адамны сокъур этер.
Аманны эки битли тону болур, бирин сеннге кийдирир, бирин кеси киер.
Махтаннган къыз, тойда джукълар.
Аурууну келиую тынч, кетиую – къыйын.
Юй ишлеген балта эшикде къалыр.
Ачылгъан эт джабылыр, кёрген кёз унутмаз.
Эл ауузу – элек, анга ийнаннган – халек.
Къонакъ болсанг, ийнакъ бол.
Ач отунчуну ачыуу – бурнунда.
Бир онгсуз адам адет чыгъарды, деб эштирик тюлсе.
Тойгъанлыкъ къойгъа джарашады.
Ишлемеген – тишлемез.
Байлыкъдан саулукъ ашхыды.
Ичимден чыкъды хата, къайры барайым сата?
Къонагъынгы артмагъын алма да, алгъышын ал.
Билими азны – ауузунда кирит.
Джаз бир кюнню джатсанг, къыш талай кюнню абынырса.
Джюз элде джюз ёгюзюм болгъандан эсе, джюз джууугъум болсун.
Атадан ёксюз – бир ёксюз, анадан ёксюз – эки ёксюз.
Тюзлюк тас болмайды.
Нарт сёз къарт болмаз.
Къууут – джелге, берне – бошха.
Джашлыкъ этмеген, башлыкъ этмез.
Аман эсирсе, юйюн ояр.
Ёлмесенг да, къарт дамы болмазса?
Къарнынг къанлынга кийирир.
Урунуу – насыбны анасы.
Ёлген эшек бёрюден къоркъмайды.
Баш болса, бёрк табылыр.
Башсыз урчукъ тюзюне айланмаз.
Керилген да, ургъан кибикди.
Ашын ашагъанынгы, башын да сыйла.
