Ашлыкъны арба юйге келтирир, чана базаргъа элтир.
Ёгюзню мюйюзюнден тутадыла, адамны сёзюнден тутадыла.
Джерни букъусу кёкге къонмаз.
Гыдай эчки суугъа къараб, мюйюзле кёрмесе, джашма алкъын, дегенди.
Акъыл сабырлыкъ берир.
Чабакъ башындан чирийди.
Бек анасы джыламаз.
Чакъырылмай келген къонакъ сыйланмай кетер.
Тил – миллетни джаны.
Адамгъа аман кюн соруб келмейди.
Азыгъы аз, алгъа къабар, аты аман, алгъа чабар.
Кёрмегеннге кебек – танг, битмегеннге сакъал – танг.
Тюзню ётмеги тюзде къалса да, тас болмаз.
Чомартха хар кюн да байрамды.
Ариу сёз – джаннга азыкъ, аман сёз – башха къазыкъ.
Ишге юренсин къоллары, халкъ бла болсун джоллары.
Аман къатын сабий табса, бий болур…
Тау башында, тау болмаз, джангыз терек, бау болмаз.
Экеулен сёлеше тура эселе, орталарына барыб кирме.
Байлыкъ адамны сокъур этер.
Эртде тургъан джылкъычыны эркек аты тай табар.
Ётюрюкню къуйругъу – бир тутум.
Ашарыкъда сайлагъаннга – чий гырджын.
Аманны къуугъан, аманлыкъ табар.
Мал кёб болса, джууукъ кёб болур.
Джылкъыдан – ат чыгъар, тукъумдан – джаш чыгъар.
Кийиминг бла танылма, адамлыкъ бла таныл.
Джылар джаш, атасыны сакъалы бла ойнар.
Билимден уллу байлыкъ джокъду.
Акъылсызны джууукъгъа алма, акъыллыны кенгнге салма.
Ашын ашагъанынгы, башын да сыйла.
Кёлю джокъну – джолу джокъ.
Зарда марда джокъ.
Атадан ёксюз – бир ёксюз, анадан ёксюз – эки ёксюз.
Эски джаугъа ышанма.
Ариу сёз джыланны орнундан чыгъарыр.
Соргъан айыб тюлдю, билмеген айыбды.
Къалгъан ишге къар джауар.
Эрине къаргъыш этген къатын, эрнин къабар.
Рысхысына кёре, джаш ёсер, къышлыгъына кёре, мал ёсер.
Киштикге къанат битсе, чыпчыкъ къалмаз эди.
Къолу уллу – асыу, аягъы уллу – джарсыу.
Джылыгъа джылан илешир.
Aдам боллукъ, сыфатындан белгили.
Чакъырылгъанны аты, чакъырылмагъанны багъасы болур.
Арба аугъандан сора, джол кёргюзтюучю кёб болур.
Кёзюнде тереги болгъан, чёбю болгъаннга кюле эди.
Къарнынг ауруса, ауузунгу тый
Чакъырылмагъан къонакъ тёрге атламаз.
Тели турса – той бузар.
