- Тил – миллетни джаны.
- Бир онгсуз адам адет чыгъарды, деб эштирик тюлсе.
- Къая джолда джортма, ачыкъ сёзден къоркъма.
- Эм уллу байлыкъ – джан саулукъ.
- Кюн кёрмеген, кюн кёрсе, кюндюз чыракъ джандырыр.
- Ёлген эшек бёрюден къоркъмайды.
- Билмегенинги, билгеннге сор.
- Адамны сабийин сюйген джюреги, бычакъча, джитиди.
- Дуния малгъа сатылма, кесингден телиге къатылма.
- Джол бла сёзню къыйыры джокъ.
- Кийимни бир кюнню аясанг, минг кюннге джарар.
- Къыйынлы джети элни къайгъысын этер.
- Эки элинги тыйсанг, джети элде махталырса.
- Аш кетер да бет къалыр.
- Тёзген – тёш ашар!
- Аман киши кеси юйюнде – къонакъ.
- Джети тилни билген джети кишиди.
- Тилчи тилден къаныкъмаз.
- Зарда марда джокъ.
- Мал кёб болса, джууукъ кёб болур.
- Ашыкъгъанны этеги бутуна чырмалыр.
- Эли джокъну – кёлю джокъ.
- Баш болса, бёрк табылыр.
- Джыйырма къойну юч джыйырма эбзе кюте эди.
- Керилген да, ургъан кибикди.
- Келгинчи, къонакъ уялыр, келгенден сора, къонакъбай уялыр.
- Шайтан алдады, тюзлюк къаргъады.
- Эркишиге тары кебек танг кёрюнюр.
- Уллу суу бла уллу ауруудан башынгы сакъла.
- Къарт бла баш аша, джаш бла аякъ аша.
- Эринчекни эр алмаз, эр алса да, кёл салмаз, кёл салса да, кёб бармаз!
- Экеулен сёлеше тура эселе, орталарына барыб кирме.
- Туз, гырджын аша, тюзлюк бла джаша.
- Битмегеннге сакъал – танг.
- Чомарт бергенин айтмаз.
- Къанны къан бла джуума, аманны аман бла къуума.
- Эшекге миннген – биринчи айыб, андан джыгъылгъан – экинчи айыб.
- Насыблы элин сюер, насыбсыз кесин сюер.
- Къыз чыгъаргъан – къызыл къымжа.
- Джарашыу сюйген – джалынчакъ.
- Къаллай салам берсенг, аллай джууаб алырса.
- Ишни аллы бла къууанма да, арты бла къууан.
- Джашда акъыл джокъ, къартда къарыу джокъ.
- Тойгъан джерге джети къайт.
- Тай асырагъан, атха минер.
- Айтылгъан сёз ызына къайтмаз.
- Кёб ант этген, кёб ётюрюк айтыр.
- Къуллукъчума, деб махтанма, къуллукъ – хаух джамчыды!
- Билген билмегенни юретген адетди.
- Ашын ашагъанынгы, башын да сыйла.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)