- Билеги кючлю, бирни джыгъар, билими кючлю, мингни джыгъар.
- Ёнгкюч къууана барыр, джылай келир.
- Окъумагъан сокъурду, сокъур ташха абыныр!
- Къарнынг бла ёч алма.
- Кенгеш болса, уруш болмаз.
- Ата – билек, ана – джюрек!
- Ойнаб айтсанг да, эслеб айт.
- Къарнынг къанлынга кийирир.
- Байны оноуу, джарлыгъа джарамаз.
- Чакъырылмагъан къонакъ – орунсуз.
- Ариуну – ауруу кёб.
- Босагъа таш юйге кирмей эди, тыбыр таш эшикге чыкъмай эди.
- Алгъанда – джууукъ, бергенде – джау.
- Насыб бютеу халкъны юлюшюдю.
- Мал ёлсе, сюек къалыр, адам ёлсе, иши къалыр.
- Джангыз торгъай джырламаз.
- Ашхы болсанг, атынг чыгъар, аман болсанг, джанынг чыгъар.
- Аллахха ийнаннган кишини, Аллах онгдурур ишин.
- Урама да – ёледи, сатама да – келеди.
- Тай асырагъан, атха минер.
- Тил – миллетни джаны.
- Тилсиз миллет джокъ болур.
- Айыбны суу бла джууалмазса.
- Къыз чыгъаргъан – къызыл къымжа.
- Ёлюр джаннга, ёкюл джокъ.
- Гугук кесини атын айтыб къычыргъанча, мен, мен деб нек тураса?
- Тойгъандан сора, ашны сёкме.
- Адам туугъан джеринде, ит тойгъан джеринде.
- Азыкълы ат арымаз, къатыны аман джарымаз.
- Ачыу алгъа келсе, акъыл артха къалады.
- Ишлегенден, къарагъан уста.
- Кюн – узун, ёмюр – къысха.
- Къарнынг тойгъунчу аша да, белинг талгъынчы ишле.
- Кийимни бир кюнню аясанг, минг кюннге джарар.
- Айраннга суу къош, телиге джол бош.
- Ётюрюкню башын керти кесер.
- Таукел адам тау тешер.
- Джеринден айырылгъан – джети джылар, джуртундан айырылгъан – ёлгюнчю джылар.
- Элиб деген, элге болушур.
- Джаз бир кюнню джатсанг, къыш талай кюнню абынырса.
- Атынг аманнга чыкъгъандан эсе, джанынг тамагъынгдан чыкъсын.
- Къыз келсе, джумуш эте келеди, къатын келсе, ушакъ эте келеди.
- Къонакъ аман болса, къонакъбай джунчур
- Айран ичген – къутулду, джугъусун джалагъан – тутулду.
- «Ма», - дегенни билмесенг, «бер», - дегенни билмезсе.
- Акъыл бла адеб эгизледиле.
- Кёпюр салгъан кеси ётер, уру къазгъан кеси кетер.
- Хансыз джомакъ болмаз.
- Ойнай билмеген, уруб къачар.
- Баш болса, бёрк табылыр.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)