- Байлыкъ адамны сокъур этер.
- Битмегеннге сакъал – танг.
- Ёнгкюч къууана барыр, джылай келир.
- Ишленмеклик адамлыкъды.
- Эл ауузу – элек, анга ийнаннган – халек.
- Ариуну – ауруу кёб.
- Джылар джаш, атасыны сакъалы бла ойнар.
- Чомарт бергенин айтмаз.
- Агъач – джерни чырайы, кийим – эрни чырайы.
- Ана – юйню кюн джарыгъы.
- Биреуге аманлыкъны тилеме да, кесинге ашхылыкъны тиле.
- Ач къарным, тынч къулагъым.
- Джюз элде джюз ёгюзюм болгъандан эсе, джюз джууугъум болсун.
- Сабийликде юретмесенг, уллу болса – тюзелмез.
- Ашхылыкъ джерде джатмайды, аманлыкъ суугъа батмайды.
- Окъугъан озар, окъумагъан тозар.
- Адамны сыфатына къарама, сёзюне къара.
- Айраннга суу къош, телиге джол бош.
- Намысы джокъну – дуниясы джокъ.
- Къарнынг ауруса, ауузунгу тый
- «Ма», - дегенни билмесенг, «бер», - дегенни билмезсе.
- Ач – эснер, ат – кишнер.
- Чомарт джарлы болмаз.
- Адеб базарда сатылмаз.
- Билим къая тешер.
- Эл бла кёргенинг эрелей.
- Ашын ашагъанынгы, башын да сыйла.
- Билмезни кёзю кёрмез, этмезни къулагъы эшитмез.
- Къар – келтирди, суу – элтди.
- Тюзлюк тас болмайды.
- Ышармагъан – кюлмез, кюлмеген – къууанчны билмез.
- Къатын байлыкъны сюер, эр саулукъну сюер.
- Чабакъсыз кёлге къармакъ салгъанлыкъгъа, чабакъ тутмазса.
- Эринчекни эр алмаз, эр алса да, кёл салмаз, кёл салса да, кёб бармаз!
- Мухарны эси – ашарыкъда.
- Магъанасыз сёз – тауушсуз сыбызгъы.
- Ашатыргъа иш – ашхы, ишлетирге аш – ашхы.
- Хаухну атма, ёнгкючню сатма.
- Чомартны къолун джокълукъ байлар.
- Босагъагъа джууукъ орун болса, ашыгъыб тёрге озма.
- Биреу ашаб къутулур, биреу джалаб тутулур.
- Ишин билген, аны сыйын чыгъарады.
- Кесине гебен этелмеген, биреуге черен эте эди.
- Аджашхан тёгерек айланыр.
- Аманны къуугъан, аманлыкъ табар.
- Айырылгъанланы айю ашар, бёлюннгенлени бёрю ашар.
- Дуния малгъа сатылма, кесингден телиге къатылма.
- Ата джурт – алтын бешик.
- Иесиз малны бёрю ашар.
- Къонакъ кёб келюучю юйню, къазаны отдан тюшмез.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)