- Адам боллукъ, атламындан белгили болур.
- Эшекни не къадар тюйсенг да, ат болмаз.
- Мадар болса, къадар болур.
- Ёлген аслан – сау чычхан.
- Ач къалгъандан, кеч къалгъан къолай.
- Джолда аягъынга сакъ бол, ушакъда тилинге сакъ бол.
- Таугъа чыгъаллыкъ эсенг, тюзде къалма.
- Окъуусуз билим – джокъ, билимсиз кюнюнг – джокъ.
- Ким бла джюрюсенг, аны кёзю бла кёрюнюрсе.
- Ата – билек, ана – джюрек!
- Чакъырылгъанны аты, чакъырылмагъанны багъасы болур.
- Аман къатын алгъан, арыр, иги къатын алгъан джарыр.
- Тойгъандан сора, ашны сёкме.
- Ачылгъан эт джабылыр, кёрген кёз унутмаз.
- Адамны артындан къара сабан сюрме.
- Байлыкъ келсе, акъыл кетер.
- Тас болгъан бычакъны сабы – алтын.
- Ёгюзню мюйюзюнден тутадыла, адамны сёзюнден тутадыла.
- Бек ашыкъгъан меннге джетсин, дегенди аракъы.
- Юйюнг бла джау болгъандан эсе, элинг бла джау бол.
- Уллу сёлешме да, уллу къаб.
- Ауузу аманнга «иги», деме.
- От кюйдюрген, сау болса да, тот кюйдюрген, сау болмаз.
- Сескекли кесин билдирир.
- Къартха ушагъан джаш – акъыллы, джашха ушагъан къарт – тели.
- Нёгерсизни джолу узун.
- Керек ташны ауурлугъу джокъ.
- Тик ёргени, тик энгишгеси да болады.
- Акъыл къартда, джашда тюйюлдю – башдады.
- Ичимден чыкъды хата, къайры барайым сата?
- Къыйынлы джети элни къайгъысын этер.
- Билим насыб берир, билим джолну керир.
- Адебсиз адам – джюгенсиз ат.
- Ач да бол, токъ да бол – намысынга бек бол.
- Чомарт бергенин айтмаз.
- Келгинчи, къонакъ уялыр, келгенден сора, къонакъбай уялыр.
- Байдан умут эте, джарлыдан ёгюз багъасы къорады.
- Джырчы джырчыгъа – къарнаш.
- Къазанчы аман болса, къазаны къайнамаз.
- Ашлыкъны арба юйге келтирир, чана базаргъа элтир.
- Эки ойлашыб, бир сёлешген.
- Джол бла сёзню къыйыры джокъ.
- Элге къуллукъ этмеген, элге ие болмаз.
- Аман адамны тепсинге олтуртсанг, къызынгы тилер.
- Джети тилни билген джети кишиди.
- Онгсузну – джакъла, тенгликни – сакъла.
- Телини эшигин, махтау джабар.
- Джарашыу сюйген – джалынчакъ.
- Адеб этмеген, адеб кёрмез.
- Ариуну – ауруу кёб.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 1)