- Ачылгъан эт джабылыр, кёрген кёз унутмаз.
- Кёлсюзден сёзсюз тууар.
- Этек чакъмакълары баш джаргъан, сёлешген сёзлери таш джаргъан.
- Кечеси – аяз, кюню – къыш, джарлы къаргъагъа бир аш тюш!
- Адамны джюреги нени кёрюрге сюйсе, кёзю да аны кёрюрге ёч болады.
- Хантына кёре тузу, юйюне кёре къызы.
- Джол бла сёзню къыйыры джокъ.
- Байлыкъдан саулукъ ашхыды.
- Гугук кесини атын айтыб къычыргъанча, мен, мен деб нек тураса?
- Уллу сёзде уят джокъ.
- Баш – акъыл ючюн, акъылман – халкъ ючюн.
- Бозанг болмагъан джерге, къалагъынгы сукъма.
- Аман къатын сабий табса, бий болур…
- Сангырау къулакъ эл бузар.
- Эм уллу байлыкъ – джан саулукъ.
- Аманны тукъумуна къарама, игини тукъумун сорма.
- Эшекге миннген – биринчи айыб, андан джыгъылгъан – экинчи айыб.
- Онгсузну – джакъла, тенгликни – сакъла.
- Къолунгдан къуймакъ ашатсанг да, атаны борчундан къутулмазса.
- Акъдан къара болмаз.
- Ётген ёмюр – акъгъан суу.
- Биреу ашаб къутулур, биреу джалаб тутулур.
- Ургъан суудан башынгы сакъла.
- Атадан ёксюз – бир ёксюз, анадан ёксюз – эки ёксюз.
- Джашны джигитлиги сорулур, къызны джигерлиги сорулур.
- Гитче джилтин уллу элни джандырыр.
- Ачны эсинде – аш.
- Аман адам элни бир-бирине джау этер.
- Юй ишлеген балта эшикде къалыр.
- Телиге акъыл салгъандан эсе, ёлгеннге джан салырса.
- Башланнган иш битер, къымылдагъан тиш тюшер.
- Къайтырыкъ эшигинги, къаты уруб чыкъма.
- Ана кёлю – балада, бала кёлю – талада.
- Акъыллы айтыр эди, акъылсыз къоймайды.
- Къалгъан ишге къар джауар.
- Таукел къуру къалмаз.
- Эл тойса, тоймагъан, эл къойса, къоймагъан.
- Кийим тукъум сордурур.
- Эки итни арасына сюек атма, эки адамны арасында сёз чыгъарма.
- Байдан умут эте, джарлыдан ёгюз багъасы къорады.
- Борчунг бар эсе, хурджунунга ойлаб узал.
- Накъырданы арты керти болур.
- Бети – къучакълар, джюреги – бычакълар.
- Дуния мал дунияда къалады.
- Биреу къой излей, биреу той излей.
- Намыс сатылыб алынмайды.
- Абынмазлыкъ аякъ джокъ, джангылмазлыкъ джаякъ джокъ.
- Мухар, кеси тойса да, кёзю тоймаз.
- Тамбла алтындан бюгюн багъыр ашхы.
- Кёзю сокъурдан – къоркъма, кёлю сокъурдан – къоркъ.
НАРТ-КЪАРАЧАЙЛЫЛАНЫ ДЖЫРЛАРЫ
Читают тему (гостей: 2)