- Кюл тюбюндеги от кёрюнмейди.
- Биреуню къыйынлыгъы бла кесинге джол ишлеме.
- Эли джокъну – кёлю джокъ.
- Таякъ этден ётер, тил сюекден ётер.
- Уллу сёлешме да, уллу къаб.
- Ашлыкъ – бюртюкден, джюн – тюкден.
- Ким бла джюрюсенг, аны кёзю бла кёрюнюрсе.
- Ашхы тенг джолгъа салыр, аман тенг джолдан тайдырыр.
- Терек ауса, отунчу – кёб.
- Джангыз торгъай джырламаз.
- Мураты болгъанны джюрек тебюую башхады.
- Къайгъы тюбю – тенгиз.
- Джюрекден джюрекге джол барды.
- Тенгинг джокъ эсе – изле, бар эсе – сакъла!
- Ана кёлю – балада, бала кёлю – талада.
- Ат басханны джер билед.
- Аш кетер да бет къалыр.
- Aдам боллукъ, сыфатындан белгили.
- Эте билген, этген этеди, эте билмеген, юретген этеди!
- Бек анасы джыламаз.
- Сютню башын джалагъан къутулур, тюбюн ичген тутулур.
- Гыдай эчки суугъа къараб, мюйюзле кёрмесе, джашма алкъын, дегенди.
- Къыз чыгъаргъан – къызыл къымжа.
- Кёлю джокъну – джолу джокъ.
- Ашаса, ашамаса да, бёрюню ауузу – къан.
- Ата Джуртун танымагъан, атасын да танымаз.
- Тиширыусуз юй – отсуз от джагъа.
- Ач отунчуну ачыуу – бурнунда.
- Ёлген эшек бёрюден къоркъмайды.
- Тилчиден кери бол.
- Ач да бол, токъ да бол – намысынга бек бол.
- Кёпюр салгъан кеси ётер, уру къазгъан кеси кетер.
- Окъумагъан сокъурду, сокъур ташха абыныр!
- Элге къуллукъ этмеген, элге ие болмаз.
- Тил – кесген бычакъ, сёз – атылгъан окъ.
- Ойнай-ойнай кёз чыгъар.
- Ётюрюкден тюбю джокъ, кёлтюрюрге джиби джокъ.
- Намыс сатылыб алынмайды.
- Кийим тукъум сордурур.
- Адам къаллай бир ишленмесе, аллай бир кесин уллу кёреди.
- Эм уллу байлыкъ – джан саулукъ.
- Чакъырылмай келген къонакъ сыйланмай кетер.
- Ёнгкюч къууана барыр, джылай келир.
- Кёзю сокъурдан – къоркъма, кёлю сокъурдан – къоркъ.
- Тура эдим джата, къайдан чыкъды хата?
- Ачлыкъда тары гырджын халыуадан татлы.
- Чабакъгъа акъыл, табагъа тюшсе келеди.
- Эринчекни аурууу – кёб.
- Ишлемеген – тишлемез.
- Тойгъанлыкъ къойгъа джарашады.
Вечер поэзии
05.03.2008 01:53:15
Если кого-то заинтересовало, приглашаем пройти по ссылке:
|
||||
|
|
|||
Читают тему (гостей: 1)