- Джашда акъыл джокъ, къартда къарыу джокъ.
- Билмейме деген – бир сёз
- Билим ат болуб да чабар, къуш болуб да учар.
- Адеб базарда сатылмаз.
- Мен да «сен», дейме, сен да «кесим», дейсе.
- Тёрде – темир таякълы, къаяда – чыпчыкъ аякълы.
- Окъуусуз билим – джокъ, билимсиз кюнюнг – джокъ.
- Тенгинг джокъ эсе – изле, бар эсе – сакъла!
- Тил джюрекге джол ишлейди.
- Джарлы тюеге минсе да, ит къабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашхылыкъ джерде джатмайды, аманлыкъ суугъа батмайды.
- Къаллай салам берсенг, аллай джууаб алырса.
- Байны оноуу, джарлыгъа джарамаз.
- Терек ауса, отунчу – кёб.
- Ата Джуртча джер болмаз, туугъан элча эл болмаз.
- Къарнынг ауруса, ауузунгу тый
- Къарнынг бла ёч алма.
- Къарны аманнга къазан такъдырма, къолу аманнга от джакъдырма.
- Халкъны джырын джырласанг, халкъ санга эжиу этер.
- Джерни букъусу кёкге къонмаз.
- Аз айтсам, кёб ангылагъыз.
- Тойгъан джерден туугъан джер игиди.
- Сууда джау джокъ, кёб сёзде магъана джокъ.
- Сескекли кесин билдирир.
- Намысы болмагъанны, сыйы болмаз.
- Джырчы ёлсе, джыры къалыр.
- Аш иеси бла татлыды.
- Чакъырылмагъан къонакъ тёрге атламаз.
- Кёб ант этген, кёб ётюрюк айтыр.
- Къарт айтханны этмеген, къартаймаз.
- Акъыллы эркиши атын махтар, акъылсыз эркиши къатынын махтар.
- Ариуну – ауруу кёб.
- Адамны сабийин сюйген джюреги, бычакъча, джитиди.
- Къралынгы – душмандан, башынгы от бла суудан сакъла.
- Рысхы – сют юсюнде кёмюк кибикди.
- Зар адамны насыбы болмаз.
- Бал чибинни ургъаны – ачы, балы – татлы.
- Ариу сёзде ауруу джокъ.
- Билими азны – ауузунда кирит.
- Аш кетер да бет къалыр.
- Нарт сёз къарт болмаз.
- Ана кёлю – балада, бала кёлю – талада.
- Харам къарнашдан, халал тенг ашхы.
- Сёз садакъдан кючлюдю.
- Этни да ашады, бетни да ашады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Чакъырылмагъан джерге барма, чакъырылгъан джерден къалма.
- Ариу сёз джыланны орнундан чыгъарыр.
- Къарнынг къанлынга кийирир.
Вечер поэзии
|
Если кого-то заинтересовало, приглашаем пройти по ссылке:
|
||||
|
|
|
|||
Читают тему (гостей: 1)