- Къызбайны юйюне дери сюрсенг, батыр болур.
- Къулакъдан эсе, кёзге ышан.
- Ауурну тюбю бла, дженгилни башы бла джюрюген.
- Ётюрюкню башын керти кесер.
- Адебсиз адам – джюгенсиз ат.
- Тешик этген тынчды, аны джамагъан къыйынды.
- Адам къаллай бир ишленмесе, аллай бир кесин уллу кёреди.
- Бети къызарыучу адамны, джюреги харам болмаз.
- Джаз бир кюнню джатсанг, къыш талай кюнню абынырса.
- Ашхылыкъ джерде джатмайды, аманлыкъ суугъа батмайды.
- Адамны бетине къарама, адетине къара.
- Окъугъанны бети джарыкъ.
- Айыбны суу бла джууалмазса.
- Эрни эр этерик да, къара джер этерик да, тиширыуду.
- Къууут – джелге, берне – бошха.
- Къонакъ болсанг, ийнакъ бол.
- Насыб бютеу халкъны юлюшюдю.
- Гугук кесини атын айтыб къычыргъанча, мен, мен деб нек тураса?
- Къонагъы джокъну – шоху джокъ.
- Эрине къаргъыш этген къатын, эрнин къабар.
- Оюмсуз атлагъан, аджалсыз ёлюр.
- Булут кёкге джарашыу, уят бетге джарашыу.
- Намыс болмагъан джерде, насыб болмаз.
- Биреу ашаб къутулур, биреу джалаб тутулур.
- Арыгъан къош чамчы болур.
- Тюзлюк шохлукъну бегитир.
- Эли джокъну – кёлю джокъ.
- Халкъгъа джарагъан, джарлы къалмаз.
- Кеси юйюмде мен да ханма.
- Бастасын ашагъан, хантусун да ичер.
- Баш – акъыл ючюн, акъылман – халкъ ючюн.
- Аман адамны тепсинге олтуртсанг, къызынгы тилер.
- Ашха уста, юйюнде болсун
- Ашхы тенг джолгъа салыр, аман тенг джолдан тайдырыр.
- Тилде сюек болмаса да, сюек сындырыр.
- Ётюрюкден тюбю джокъ, кёлтюрюрге джиби джокъ.
- Сабий болмагъан джерде, мёлек болмаз.
- Аллахха ийнаннган кишини, Аллах онгдурур ишин.
- Айтылгъан буйрукъ, сёгюлмез
- Чакъырылмагъан къонакъ – орунсуз.
- Тил бла келеди джыр да.
- Кирсизни – саны таза, халалны – къаны таза.
- Мураты болгъанны джюрек тебюую башхады.
- Аманнга игилик этсенг, юйюнге сау бармазса.
- Керек ташны ауурлугъу джокъ.
- Башынга джетмегенни сорма.
- Ачны эсинде – аш.
- Ана къойну – балагъа джандет.
- Аман къатын алгъан, арыр, иги къатын алгъан джарыр.
- Адеб этмеген, адеб кёрмез.
Видеостудия Эльбрусоида. Технические вопросы.
30.08.2011 00:59:29
не голосую, т.к. ни в один из пунктов не ...понимаю)))
|
|
|
|
Читают тему (гостей: 1)