- Бир абыннган – минг сюрюнюр.
- Таукелге нюр джауар.
- Бир онгсуз адам адет чыгъарды, деб эштирик тюлсе.
- Иги сёз – джаннга азыкъ, аман сёз башха – къазыкъ.
- Окъугъан озар, окъумагъан тозар.
- Бети бедерден, намыс сакълама.
- Бёрю да ач къалмасын, эчки да ашалмасын.
- Къар – келтирди, суу – элтди.
- Акъдан къара болмаз.
- Кёрмегеннге кебек – танг, битмегеннге сакъал – танг.
- Биреу ашаб къутулур, биреу джалаб тутулур.
- Джукъу тёшек сайламайды.
- Тюзню ётмеги тюзде къалса да, тас болмаз.
- Къызны минг тилер, бир алыр.
- Иги джашны ышаны – аз сёлешиб, кёб тынгылар.
- Кютгени беш эчки, сызгъыргъаны уа, джерни джарады.
- Аллахдан тилесенг, кёб тиле.
- Билими азны – ауузунда кирит.
- Уллу къазанда бишген эт, чий къалмаз.
- Тюз сёз баргъан сууну тыяр.
- Этек чакъмакълары баш джаргъан, сёлешген сёзлери таш джаргъан.
- Джетген къыз джерли эшекни танымаз.
- Чакъырылмагъан къонакъ тёрге атламаз.
- Аурууну келиую тынч, кетиую – къыйын.
- Биреуге аманлыкъны тилеме да, кесинге ашхылыкъны тиле.
- Сескекли кесин билдирир.
- Иги болса, тамадама – махтау, аман болса, меннге – айыб.
- От кюйдюрген, сау болса да, тот кюйдюрген, сау болмаз.
- Джахил болса анасы, не билликди баласы?
- Джылар джаш, атасыны сакъалы бла ойнар.
- Хаухну атма, ёнгкючню сатма.
- Джарлы джети элни сёзюн этер.
- Элге къуллукъ этмеген, элге ие болмаз.
- Баш болса, бёрк табылыр.
- Биреуню къыйынлыгъы бла кесинге джол ишлеме.
- Къазанны башы ачыкъ болса, итге уят керекди.
- Биреу къой излей, биреу той излей.
- Чомартха хар кюн да байрамды.
- Джюрекге ариу – кёзге да ариу.
- Абынмазлыкъ аякъ джокъ, джангылмазлыкъ джаякъ джокъ.
- Къартны сыйын кёрмеген, къартлыгъында сыйлы болмаз.
- Аз сёлешген, къайгъысыз турур.
- Бал – татлы, балдан да бала – татлы.
- Ана кёлю – балада, бала кёлю – талада.
- Тура эдим джата, къайдан чыкъды хата?
- Айырылгъанланы айю ашар, бёлюннгенлени бёрю ашар.
- Арба аугъандан сора, джол кёргюзтюучю кёб болур.
- Харам къарнашдан, халал тенг ашхы.
- Джеринден айырылгъан – джети джылар, джуртундан айырылгъан – ёлгюнчю джылар.
- Иши джокъну, сыйы джокъ.
