- Кёзню ачылгъаны – иги, ауузну джабылгъаны – иги.
- Адамны сыфатына къарама, сёзюне къара.
- Эл бла кёргенинг эрелей.
- Намыс болмагъан джерде, насыб болмаз.
- Джолунга кёре – джюрюшюнг, джагъанга кёре – юлюшюнг.
- Сабыр джетер муратха, сабырсыз къалыр уятха.
- Юйлю уругъа ит чабмаз.
- Болджал ишни бёрю ашар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бир онгсуз адам адет чыгъарды, деб эштирик тюлсе.
- Билими азны – ауузунда кирит.
- Бал ашаргъа сюе эсенг, чибин ургъаннга тёз.
- Тау башында, тау болмаз, джангыз терек, бау болмаз.
- Тюз сёз баргъан сууну тыяр.
- Узун джолну барсанг, бюгюн келирсе, къысха джолну барсанг, тамбла келирсе.
- Айыбны суу бла джууалмазса.
- Эрни эр этерик да, къара джер этерик да, тиширыуду.
- Ата – билек, ана – джюрек!
- Тойгъан джерге джети къайт.
- Джаханимни кёрмей, джандетге кёл салмазса.
- Ёлюк кебинсиз къалмаз.
- Сютню башын джалагъан къутулур, тюбюн ичген тутулур.
- Сормай – алма, чакъырылмай – барма.
- Игиге айтсанг – билир, аманнга айтсанг – кюлюр.
- Башынга джетмегенни сорма.
- Мухарны эси – ашарыкъда.
- Эл ауузу – элек, анга ийнаннган – халек.
- Адам къыйынлыгъын кёлтюрюр, зауукълугъун кёлтюрмез.
- Байлыкъ адамны сокъур этер.
- Ата – баланы уясы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ышармагъан – кюлмез, кюлмеген – къууанчны билмез.
- Сёлеш деб шай берген, тохта деб, сом берген.
- Урунуу – насыбны анасы.
- Ойнай-ойнай кёз чыгъар.
- Ашлыкъны арба юйге келтирир, чана базаргъа элтир.
- Эшекни не къадар тюйсенг да, ат болмаз.
- Халкъны юйю – туугъан джери.
- Аш хазыр болса, иш харам болур.
- Къызны минг тилер, бир алыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тура эдим джата, къайдан чыкъды хата?
- Аурууну келиую тынч, кетиую – къыйын.
- Келлик заман – къартлыкъ келтирир, кетген заман – джашлыкъ ёлтюрюр.
- Кюн кёрмеген, кюн кёрсе, кюндюз чыракъ джандырыр.
- Къазанда болса, чолпугъа чыгъар.
- Ана къойну – балагъа джандет.
- Адебни адебсизден юрен.
- Элге къуллукъ этмеген, элге ие болмаз.
- Хар зат кесини орнуна иги.
"9 Волна" - первый музыкальный телеканал Юга России
Читают тему (гостей: 1)