- Чомарт бергенин айтмаз.
- Эм ашхы къайын ана мамукъ бла башынгы тешер.
- Ач келгенни – тойдур, кеч келгенни – къондур.
- Чакъырылмагъан къонакъ тёрге атламаз.
- Сибиртки да сыйлы болду, кюрек да кюнлю болду.
- Иги адамны бир сёзю эки болмаз.
- Аллахдан тилесенг, кёб тиле.
- Келгинчи, къонакъ уялыр, келгенден сора, къонакъбай уялыр.
- Чалманны аллы къалай башланса, арты да алай барады.
- Тыш элде солтан болгъандан эсе, кесинги элде олтан болгъан игиди!
- Намысы болмагъанны, сыйы болмаз.
- Уллу атлама – абынырса, уллу къабма – къарылырса.
- Тай асырагъан, атха минер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Юйлю уругъа ит чабмаз.
- Чомартха хар кюн да байрамды.
- Термилгенинги табмазса, кюлгенинге тюберсе.
- Аман эсирсе, юйюн ояр.
- Джаш къарыу бла кючлю, къарт акъыл бла кючлю.
- Эки итни арасына сюек атма, эки адамны арасында сёз чыгъарма.
- Аман хансны – урлугъу кёб.
- Кюн – узун, ёмюр – къысха.
- Джашлыкъ этмеген, башлыкъ этмез.
- Бети бедерден, намыс сакълама.
- Аманнга алтын чыдамаз.
- Сакъламагъан затынга джолукъсанг, не бек къууанаса, не бек ачыйса.
- Аман къатын сабий табса, бий болур…
- Уллу сёлешме да, уллу къаб.
- Тау башында, тау болмаз, джангыз терек, бау болмаз.
- Къумурсхала джыйылсала, пилни да джыгъадыла.
- Алтыда кюлмеген, алтмышда кюлмез.
- Ачылгъан эт джабылыр, кёрген кёз унутмаз.
- Игини сыйлагъан адетди.
- Къаллай салам берсенг, аллай джууаб алырса.
- Аман къатын алгъан, арыр, иги къатын алгъан джарыр.
- Ана къойну – балагъа джандет.
- Ауругъан – джашаудан умутчу.
- Телиге акъыл салгъандан эсе, ёлгеннге джан салырса.
- Азыкъ аз болса, эртде орун сал.
- Джумушакъ терекни къурт ашар.
- Къыз тиширыу кеси юйюнде да къонакъды.
- Къонакъ хазыр болгъанлыкъгъа, къонакъбай хазыр тюлдю.
- Ашаса, ашамаса да, бёрюню ауузу – къан.
- Алгъанда – джууукъ, бергенде – джау.
- Тойгъа барсанг, тоюб бар, эски тонунгу къоюб бар.
- Къатын байлыкъны сюер, эр саулукъну сюер.
- Ёлген эшек бёрюден къоркъмайды.
- Окъдан джара эртде-кеч болса да бителир, сёз джара, ёмюрге къалыр.
- Джырына кёре эжиую.
- Аман киши кеси юйюнде – къонакъ.