- Хансыз джомакъ болмаз.
- Айтхан – тынч, этген – къыйын.
- Телиге от эт десенг, юйюнге от салыр.
- Дженгил джетерикме деб, узун джолну къоюб, къысхасын барма.
- Тойгъан джерге джети къайт.
- Къартха ушагъан джаш – акъыллы, джашха ушагъан къарт – тели.
- Джыйырма къойну юч джыйырма эбзе кюте эди.
- Кёб къычыргъандан – къоркъма, тынч олтургъандан – къоркъ.
- Аш иеси бла татлыды.
- Аманны тукъумуна къарама, игини тукъумун сорма.
- Ишленмеклик адамлыкъды.
- Айырылгъанланы айю ашар, бёлюннгенлени бёрю ашар.
- Тюзлюк тас болмайды.
- Джырчы джырчыгъа – къарнаш.
- Джети тилни билген джети кишиди.
- Ашатыргъа иш – ашхы, ишлетирге аш – ашхы.
- Атлыны ашхысы, ат тизгининден билинир
- Уллу къашыкъ эрин джыртар.
- Керти сёзге тёре джокъ.
- Джумушакъ терекни къурт ашар.
- Кийиминг бла танылма, адамлыкъ бла таныл.
- Бир онгсуз адам адет чыгъарды, деб эштирик тюлсе.
- Сабыр джетер муратха, сабырсыз къалыр уятха.
- Биреу ашаб къутулур, биреу джалаб тутулур.
- Джюрек кёзден алгъа кёрюр.
- Сабийни джумушха джибер да, ызындан бар.
- Байлыкъ адамны сокъур этер.
- Джогъун бар этген, барын бал этген.
- Тёрде – темир таякълы, къаяда – чыпчыкъ аякълы.
- Джыланны къуйругъундан басарынг келсе, аны башы болгъанын унутма.
- Бир абыннган – минг сюрюнюр.
- Мен да «сен», дейме, сен да «кесим», дейсе.
- Башланнган иш битер, къымылдагъан тиш тюшер.
- Хата – гитчеден.
- Байлыкъ тауусулур, билим тауусулмаз.
- Тик ёргени, тик энгишгеси да болады.
- Башда акъыл болмаса, эки аякъгъа кюч джетер.
- Джарлыны эшигин махтагъан джабар.
- Ашыкъгъан cуу, тенгизге джетмез.
- Сагъыш – къартлыкъгъа сюйюмчю.
- Уллу атлама – абынырса, уллу къабма – къарылырса.
- Къарт болгъан джерде, берекет болур, сабий болгъан джерде, оюн болур.
- Таукелге нюр джауар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Билимден уллу байлыкъ джокъду.
- Ёзденликни кёбю ётюрюк.
- Аджашханны ызындагъы кёреди, джангылгъанны джанындагъы биледи.
- Абынмазлыкъ аякъ джокъ, джангылмазлыкъ джаякъ джокъ.
- Билмейме деген – бир сёз
- Къайгъыны сюйген, къайгъы табар.
