- Билгенни къолу къарны джандырыр.
- Зарда марда джокъ.
- Чомарт бергенин айтмаз.
- Таукел тауну аудурур.
- Шапа кёб болса, аш татымсыз болур.
- Иги джашны ышаны – аз сёлешиб, кёб тынгылар.
- Билмезни кёзю кёрмез, этмезни къулагъы эшитмез.
- Зар адам ашынгы ашар, кесинги сатар.
- Сютню башын джалагъан къутулур, тюбюн ичген тутулур.
- Акъыл неден да кючлюдю.
- Хаухну атма, ёнгкючню сатма.
- Джыйырма къойну юч джыйырма эбзе кюте эди.
- Тойгъа алгъа да барма, тойда артха да къалма.
- Аманны эки битли тону болур, бирин сеннге кийдирир, бирин кеси киер.
- Аманны тукъумуна къарама, игини тукъумун сорма.
- Алгъанда – джууукъ, бергенде – джау.
- Ашха уста, юйюнде болсун
- Телини эшигин, махтау джабар.
- Тас болгъан бычакъны сабы – алтын.
- Ушамагъан – джукъмаз.
- «Ма», - дегенни билмесенг, «бер», - дегенни билмезсе.
- Ана – юйню кюн джарыгъы.
- Чабакъгъа акъыл, табагъа тюшсе келеди.
- Айыбны суу бла джууалмазса.
- Бет бетге къараса, бет да джерге къарар.
- Тюзню ётмеги тюзде къалса да, тас болмаз.
- Ачны эсинде – аш.
- Къызны минг тилер, бир алыр.
- Эр абынмай, эл танымаз.
- Аджашхан тёгерек айланыр.
- Адамны сыфатына къарама, сёзюне къара.
- Сёз сёзню айтдырыр.
- Къазанчы аман болса, къазаны къайнамаз.
- Билим насыб берир, билим джолну керир.
- Сагъышы джокъ – джукъучу, акъылы джокъ – къаугъачы.
- Ариуну – ауруу кёб.
- Айран тёгюлсе, джугъусу къалыр.
- Айтылгъан буйрукъ, сёгюлмез
- Ат да турмайды бир териде.
- Бети бедерден, намыс сакълама.
- Нёгерсизни джолу узун.
- Джети тилни билген джети кишиди.
- Эринчекни аурууу – кёб.
- Аман эсирсе, юйюн ояр.
- Къалгъан ишге къар джауар.
- Ашлыкъны арба юйге келтирир, чана базаргъа элтир.
- Сабий болмагъан джерде, мёлек болмаз.
- Эринчекге кюн узун.
- Гугурук къычырмаса да, тангны атары къалмаз.
- Таш бла ургъанны, аш бла ур.