- Иши джокъну, сыйы джокъ.
- Къумурсхала джыйылсала, пилни да джыгъадыла.
- Кёпюр салгъан кеси ётер, уру къазгъан кеси кетер.
- Ишге юренсин къоллары, халкъ бла болсун джоллары.
- Тюз сёз баргъан сууну тыяр.
- Эм ашхы къайын ана мамукъ бла башынгы тешер.
- Кёлю джокъну – джолу джокъ.
- Кеси юйюмде мен да ханма.
- Этек чакъмакълары баш джаргъан, сёлешген сёзлери таш джаргъан.
- Къонакъ болсанг, ийнакъ бол.
- Адамны аманы адамны бети бла ойнар.
- Сибиртки да сыйлы болду, кюрек да кюнлю болду.
- Джан саулукъ бермей, сан саулукъ бермезсе.
- Игини сыйлагъан адетди.
- Ёзденликни джайгъан – джокълукъ.
- Ашда – бёрю, ишде – ёлю.
- Ауузу аманнга «иги», деме.
- Ашыкъгъан cуу, тенгизге джетмез.
- Джогъун бар этген, барын бал этген.
- Уллу сёзде уят джокъ.
- Хаухну атма, ёнгкючню сатма.
- Танг атмайма десе да, кюн къоярыкъ тюйюлдю.
- Миллетни бойну – базыкъ, аны бла кюрешген – джазыкъ.
- Биреуге аманлыкъ этиб, кесинге игилик табмазса.
- Ашхы – джыяр, аман – джояр.
- Таукел адам тау тешер.
- Тёзген – тёш ашар!
- Джаш болсун, къыз болсун, акъылы, саны тюз болсун.
- Алма терегинден кери кетмез.
- Атадан ёксюз – бир ёксюз, анадан ёксюз – эки ёксюз.
- Къобан да къуру да къобханлай турмайды, адам да къуру да патчахлай турмайды.
- Аманнга да, игиге да оноусуз къатышма.
- Башда акъыл болмаса, эки аякъгъа кюч джетер.
- Мадар болса, къадар болур.
- Азыкъ аз болса, эртде орун сал.
- Ач – эснер, ат – кишнер.
- Эринчекни аурууу – кёб.
- Уллу айтханны этмеген – уллаймаз.
- Бек ашыкъгъан меннге джетсин, дегенди аракъы.
- Къазанны башы ачыкъ болса, итге уят керекди.
- Кийим тукъум сордурур.
- Азыкълы ат арымаз, къатыны аман джарымаз.
- Ашатыргъа иш – ашхы, ишлетирге аш – ашхы.
- Сёз садакъдан кючлюдю.
- Азыгъы аз, алгъа къабар, аты аман, алгъа чабар.
- Эркишини аманы тиширыуну джылатыр.
- Окъумагъан сокъурду, сокъур ташха абыныр!
- Кёб джашагъан – кёб билир.
- Ёлмесенг да, къарт дамы болмазса?
- Экеу тутушса, биреу джыгъылыр.
