- Ёгюзню мюйюзюнден тутадыла, адамны сёзюнден тутадыла.
- Мал ёлсе, сюек къалыр, адам ёлсе, иши къалыр.
- Иги сеники эсе да, сюйген кесимикин этеме.
- Кюлме джашха – келир башха.
- Башы ишлегенни, ауузу да ишлер.
- Тил – кесген бычакъ, сёз – атылгъан окъ.
- Эрине къаргъыш этген къатын, эрнин къабар.
- Таугъа чыгъаллыкъ эсенг, тюзде къалма.
- Мадар болса, къадар болур.
- Алим болгъандан эсе, адам болгъан къыйынды.
- Ашына кёре табагъы, балына кёре къалагъы.
- Джылар джаш, атасыны сакъалы бла ойнар.
- Бир абыннган – минг сюрюнюр.
- Болджал ишни бёрю ашар.
- Игилик игилик бла сингдирилиучю затды.
- Ата – баланы уясы.
- Эркишини аманы тиширыуну джылатыр.
- Адамгъа аман кюн соруб келмейди.
- Тай асырагъан, атха минер.
- Дуния мал дунияда къалады.
- Онгсузну – джакъла, тенгликни – сакъла.
- Къонакъ хазыр болгъанлыкъгъа, къонакъбай хазыр тюлдю.
- Ашда уялгъан – мухар, ишде уялгъан – хомух.
- Тойгъан антын унутур.
- Кесинге джетмегенни, кёб сёлешме.
- Эр абынмай, эл танымаз.
- Тюзлюк шохлукъну бегитир.
- Бал чибинни ургъаны – ачы, балы – татлы.
- Юй кюйдю да, кюйюз чыкъды, ортасындан тюйюш чыкъды.
- Тойгъа барсанг, тоюб бар, эски тонунгу къоюб бар.
- От кюйдюрген, сау болса да, тот кюйдюрген, сау болмаз.
- Сёз садакъдан кючлюдю.
- Чомартха хар кюн да байрамды.
- Тойгъан джерге джети къайт.
- Ашхылыкъ джерде джатмайды, аманлыкъ суугъа батмайды.
- Ауругъаннга – кийик саулукъ, джетген къызгъа – чилле джаулукъ.
- Ушамагъан – джукъмаз.
- Аш берме да, къаш бер.
- Къызбайны юйюне дери сюрсенг, батыр болур.
- Къайгъы тюбю – тенгиз.
- Тешик этген тынчды, аны джамагъан къыйынды.
- Ашын ашагъанынгы, башын да сыйла.
- Джылкъыдан – ат чыгъар, тукъумдан – джаш чыгъар.
- Къонакъ аз олтурур, кёб сынар.
- Ишлерге уял да, ашаргъа табма.
- Къан бла кирген, джан бла чыгъар.
- Тойгъа алгъа да барма, тойда артха да къалма.
- Адамны джюреги нени кёрюрге сюйсе, кёзю да аны кёрюрге ёч болады.
- Байны оноуу, джарлыгъа джарамаз.
- Кёкдеги болмаса, джердегин кёрмейди.
