- Окъ къызбайны джокълайды.
- Байлыкъ адамны сокъур этер.
- Къая джолда джортма, ачыкъ сёзден къоркъма.
- Итли къонакъ джарашмаз.
- Тешик этген тынчды, аны джамагъан къыйынды.
- Чомартха хар кюн да байрамды.
- Онгсузну – джакъла, тенгликни – сакъла.
- Джырчы джырчыгъа – къарнаш.
- Уллу къашыкъ эрин джыртар.
- Къызын тута билмеген, тул этер, джашын тута билмеген, къул этер.
- Ариу джол аджал келтирмез.
- Харам къарнашдан, халал тенг ашхы.
- Къарнынг тойгъунчу аша да, белинг талгъынчы ишле.
- Уруну арты – къуру.
- Туз, гырджын аша, тюзлюк бла джаша.
- Айырылгъанланы айю ашар, бёлюннгенлени бёрю ашар.
- Билеги кючлю, бирни джыгъар, билими кючлю, мингни джыгъар.
- Сакъ юйюне сау барыр.
- Хунаны тюбюн къазсанг, юсюнге ауар.
- Ана къолу ачытмаз.
- Абынмазлыкъ аякъ джокъ, джангылмазлыкъ джаякъ джокъ.
- Адам боллукъ, атламындан белгили болур.
- Мураты болгъанны джюрек тебюую башхады.
- Ашха уста, юйюнде болсун
- Нёгерсизни джолу узун.
- Тамырсыз терекге таянма – джыгъылырса.
- Джашны джигитлиги сорулур, къызны джигерлиги сорулур.
- Ишлегенде эринме, ишде чолакъ кёрюнме.
- Билмегенинги, билгеннге сор.
- Ач да бол, токъ да бол – намысынга бек бол.
- Айыбны суу бла джууалмазса.
- Атадан ёксюз – бир ёксюз, анадан ёксюз – эки ёксюз.
- Аман адам элни бир-бирине джау этер.
- Кийимни бир кюнню аясанг, минг кюннге джарар.
- Зар адам ашынгы ашар, кесинги сатар.
- Джуртун къоругъан озар.
- Кийиминг бла танылма, адамлыкъ бла таныл.
- Эки итни арасына сюек атма, эки адамны арасында сёз чыгъарма.
- Игини сыйлагъан адетди.
- Телиге акъыл салгъандан эсе, ёлгеннге джан салырса.
- Берекет берсин деген джерде, берекет болур.
- Аурууну келиую тынч, кетиую – къыйын.
- Уллу айтханны этмеген – уллаймаз.
- Байлыкъ тауусулур, билим тауусулмаз.
- Аман хансны – урлугъу кёб.
- Аман адамны тепсинге олтуртсанг, къызынгы тилер.
- Хатерли къул болур.
- Намысы джокъну – дуниясы джокъ.
- Дженгил джетерикме деб, узун джолну къоюб, къысхасын барма.
- Окъдан джара эртде-кеч болса да бителир, сёз джара, ёмюрге къалыр.
силовой тренинг, единоборства, самозащита, здоровье.....
13.04.2010 23:04:55
спасибо, интересные сайты, прочитал с удовольствием, буду еще заглядывать))
|
||||
|
|
|||
Читают тему (гостей: 1)