- Хар зат кесини орнуна иги.
- Тилчи бир сагъатха айлыкъ хата этер.
- Иги адам абынса да, джангылмаз.
- Джаралыны джастыгъында сау ёлюр.
- Адеб базарда сатылмаз.
- Джуртун къоругъан озар.
- Ёмюрлюк шохлукъну джел элтмез.
- Эри аманны, къатыны – аман.
- Ата – билек, ана – джюрек!
- Агъач халкъгъа алтынды, иссиликге салкъынды.
- Тойгъан джерге джети къайт.
- Билим насыб берир, билим джолну керир.
- Этни да ашады, бетни да ашады.
- Бир абыннган – минг сюрюнюр.
- Ана – юйню кюн джарыгъы.
- Къарт болгъан джерде, берекет болур, сабий болгъан джерде, оюн болур.
- Ач да бол, токъ да бол – намысынга бек бол.
- Таукел тауну аудурур.
- Ачыкъ джюрекге джол – ачыкъ.
- Ётюрюк хапар аякъ тюбю бла джюрюйдю.
- Элни кючю – эмеген.
- Сакъ юйюне сау барыр.
- Къызбайны юйюне дери сюрсенг, батыр болур.
- Эркиши – от, тиширыу – суу.
- Мен да «сен», дейме, сен да «кесим», дейсе.
- Джаз бир кюнню джатсанг, къыш талай кюнню абынырса.
- Окъдан джара эртде-кеч болса да бителир, сёз джара, ёмюрге къалыр.
- Ишин билген, аны сыйын чыгъарады.
- Сёз садакъдан кючлюдю.
- Харам къарнашдан, халал тенг ашхы.
- «Ёгюз, джаргъа джууукъ барма, меннге джюк боллукъса», - дегенди эшек.
- Бал чибинни ургъаны – ачы, балы – татлы.
- Къайгъыны сюйген, къайгъы табар.
- Онгсузну – джакъла, тенгликни – сакъла.
- Аджал соруб келмез, келсе, къайтыб кетмез.
- Ач къарным, тынч къулагъым.
- Тай асырагъан, атха минер.
- Тил – миллетни джаны.
- Алим болгъандан эсе, адам болгъан къыйынды.
- Бети бедерден, намыс сакълама.
- Кёлю джокъну – джолу джокъ.
- Чалманны аллы къалай башланса, арты да алай барады.
- Уруну арты – къуру.
- Баргъанынга кёре болур келгенинг.
- Билмезни кёзю кёрмез, этмезни къулагъы эшитмез.
- Ач бёрюге мекям джокъ.
- Ариу сёз джыланны орнундан чыгъарыр.
- Шекер бла туз – бир болмаз, ушамагъан – юй болмаз.
- Ариу сёз – джаннга азыкъ, аман сёз – башха къазыкъ.
- Тилде сюек болмаса да, сюек сындырыр.