- Къонагъы джокъну – шоху джокъ.
- Сабийни джумушха джибер да, ызындан бар.
- Къарт айтханны этмеген, къартаймаз.
- Къаллай салам берсенг, аллай джууаб алырса.
- Къазанда болса, чолпугъа чыгъар.
- Бети – къучакълар, джюреги – бычакълар.
- Ёлюк кебинсиз къалмаз.
- Миллетни бойну – базыкъ, аны бла кюрешген – джазыкъ.
- Аз айтсам, кёб ангылагъыз.
- Телиге акъыл салгъандан эсе, ёлгеннге джан салырса.
- Ёгюзню мюйюзлери ауурлукъ этмейдиле.
- Байлыкъ тауусулур, билим тауусулмаз.
- Кечеси – аяз, кюню – къыш, джарлы къаргъагъа бир аш тюш!
- Билим ат болуб да чабар, къуш болуб да учар.
- Тыш элде солтан болгъандан эсе, кесинги элде олтан болгъан игиди!
- Эллинг бла джау болсанг да, юйюнг бла джау болма.
- Къумурсхала джыйылсала, пилни да джыгъадыла.
- Айтхан сёзюне табылгъан.
- Тил бла келеди джыр да.
- Бозанг болмагъан джерге, къалагъынгы сукъма.
- Ата Джуртча джер болмаз, туугъан элча эл болмаз.
- Ишин билген, аны сыйын чыгъарады.
- Ишлегенден, къарагъан уста.
- Чомартха Тейри да борчлуду.
- Шекер бла туз – бир болмаз, ушамагъан – юй болмаз.
- Чомарт къонакъ юй иесин сыйлар.
- Айран тёгюлсе, джугъусу къалыр.
- Иги сёз – джаннга азыкъ, аман сёз башха – къазыкъ.
- Дуния мал дунияда къалады.
- От кюйдюрген, сау болса да, тот кюйдюрген, сау болмаз.
- Билмегенинги, билгеннге сор.
- Эртде тургъан джылкъычыны эркек аты тай табар.
- Таякъ этден ётер, тил сюекден ётер.
- Халкъны юйю – туугъан джери.
- Къатын байлыкъны сюер, эр саулукъну сюер.
- Бир абыннган – минг сюрюнюр.
- Малны кют, джерни тюрт.
- Адамгъа аман кюн соруб келмейди.
- Аз сёлешген, къайгъысыз турур.
- Дуния малгъа сатылма, кесингден телиге къатылма.
- Эки итни арасына сюек атма, эки адамны арасында сёз чыгъарма.
- Таукел къуру къалмаз.
- Акъылсызны джууукъгъа алма, акъыллыны кенгнге салма.
- Адамны джюреги нени кёрюрге сюйсе, кёзю да аны кёрюрге ёч болады.
- Чакъырылмагъан къонакъ къачан кетерин сормаз.
- Кёб ант этген, кёб ётюрюк айтыр.
- Кийимни бичсенг, кенг бич, тар этген къыйын тюлдю.
- Джаш болсун, къыз болсун, акъылы, саны тюз болсун.
- Таула не мийик болсала да, аууш табылыр.
- Адамны аманы адамны бети бла ойнар.
Смешные курьезы, с которыми мы сталкиваемся по работе.
Читают тему (гостей: 1)