- Ат да турмайды бир териде.
- Суугъа – таянма, джаугъа – ийнанма.
- Тёрдеги кюлсе, эшикдеги ышарыр.
- Илму – джашауну джолу.
- Атадан ёксюз – бир ёксюз, анадан ёксюз – эки ёксюз.
- Тенгинг джокъ эсе – изле, бар эсе – сакъла!
- Эм ашхы къайын ана мамукъ бла башынгы тешер.
- Ёзденликни кёбю ётюрюк.
- Биреуге аманлыкъ этиб, кесинге игилик табмазса.
- Намысы джокъну – дуниясы джокъ.
- Аманнга алтын чыдамаз.
- Шайтан алдады, тюзлюк къаргъады.
- Эрни эр этерик да, къара джер этерик да, тиширыуду.
- Къыйынлы джети элни къайгъысын этер.
- Къумурсхала джыйылсала, пилни да джыгъадыла.
- Уруну арты – къуру.
- Ёлюр джаннга, ёкюл джокъ.
- Хар зат кесини орнуна иги.
- Туз, гырджын аша, тюзлюк бла джаша.
- Къонагъынгы артмагъын алма да, алгъышын ал.
- Къонакъ кёб келюучю юйню, къазаны отдан тюшмез.
- Суугъа – чабакъ, къаягъа – ыргъакъ.
- Адамны адамлыгъы къыйынлыкъда айгъакъланады.
- Бастасын ашагъан, хантусун да ичер.
- Ачыу алгъа келсе, акъыл артха къалады.
- Магъанасыз сёз – тауушсуз сыбызгъы.
- Тойчу джашха къарама, къойчу джашха къара.
- Ушамагъан – джукъмаз.
- Уллу къашыкъ эрин джыртар.
- Эри аманны, къатыны – аман.
- Сакъ юйюне сау барыр.
- Адебни адебсизден юрен.
- Ариуну – ауруу кёб.
- Джырчы ёлсе, джыры къалыр.
- Тулпарлыкъ, билекден тюл – джюрекден.
- Алим болгъандан эсе, адам болгъан къыйынды.
- Акъылсызны джууукъгъа алма, акъыллыны кенгнге салма.
- Акъыллы айтыр эди, акъылсыз къоймайды.
- Арбаз сайлама да, хоншу сайла.
- Тилсиз миллет джокъ болур.
- Билмезни кёзю кёрмез, этмезни къулагъы эшитмез.
- Иги джашны ышаны – аз сёлешиб, кёб тынгылар.
- Экиндини кеч къылсанг, чабыб джетер ашхам.
- Эски джаугъа ышанма.
- Тилчиден кери бол.
- Итли къонакъ джарашмаз.
- Айтылгъан буйрукъ, сёгюлмез
- Тойну къарнашы – харс, джырны къарнашы – эжиу.
- Ач – эснер, ат – кишнер.
- Айтхан – тынч, этген – къыйын.
