- Эм ашхы къайын ана мамукъ бла башынгы тешер.
- Урама да – ёледи, сатама да – келеди.
- Акъыл неден да кючлюдю.
- Адамны джюреги нени кёрюрге сюйсе, кёзю да аны кёрюрге ёч болады.
- Ана кёлю – балада, бала кёлю – талада.
- Нафысынгы айтханын этме, намысынгы айтханын эт.
- Ашха уста, юйюнде болсун
- Джеринден айырылгъан – джети джылар, джуртундан айырылгъан – ёлгюнчю джылар.
- Айныгъанлы алты кюн, тогъайгъанлы тогъуз кюн.
- Ёлген эшек бёрюден къоркъмайды.
- Ата джурт – алтын бешик.
- Аз айтсам, кёб ангылагъыз.
- Ёксюзню тилеги къабыл болур.
- Аманнга да, игиге да оноусуз къатышма.
- Чакъырылмай келген къонакъ сыйланмай кетер.
- Тешигини къатында, чычхан да батыр болур.
- Джукъу тёшек сайламайды.
- Келлик заман – къартлыкъ келтирир, кетген заман – джашлыкъ ёлтюрюр.
- Къатын байлыкъны сюер, эр саулукъну сюер.
- Джан саулукъ бермей, сан саулукъ бермезсе.
- Халкъгъа джарагъан, джарлы къалмаз.
- Суу кетер, таш къалыр.
- Тас болгъан бычакъны сабы – алтын.
- Байлыкъ адамны сокъур этер.
- Арбаз сайлама да, хоншу сайла.
- Ауругъанны сау билмез, ач къарынны токъ билмез.
- Сибиртки да сыйлы болду, кюрек да кюнлю болду.
- Джюрекден джюрекге джол барды.
- Адамны сабийин сюйген джюреги, бычакъча, джитиди.
- Къозулугъунда тоймагъан, къойлугъунда тоймаз.
- Азыкъ аз болса, эртде орун сал.
- Хунаны тюбюн къазсанг, юсюнге ауар.
- Аякъларынгы джууургъанынга кёре узат.
- Аманны эки битли тону болур, бирин сеннге кийдирир, бирин кеси киер.
- Ханы къызы буюгъа-буюгъа киштик болду.
- Джаш болсун, къыз болсун, акъылы, саны тюз болсун.
- Баланы адам этген анады.
- Хазыр ашха – терен къашыкъ.
- Босагъагъа джууукъ орун болса, ашыгъыб тёрге озма.
- Игини сыйлагъан адетди.
- Къайтырыкъ эшигинги, къаты уруб чыкъма.
- Ариу сёз джыланны орнундан чыгъарыр.
- Асхат ашлыкъ сата, юйдегиси ачдан къата.
- Арпа, будай – ащды, алтын, кюмюш а – ташды.
- Бермеген къол, алмайды.
- Сёз сёзню айтдырыр.
- Ётген ёмюр – акъгъан суу.
- Уллу атлама – абынырса, уллу къабма – къарылырса.
- Ёгюзню мюйюзюнден тутадыла, адамны сёзюнден тутадыла.
- Кёз – сюйген джерде, къол – ауругъан джерде.
Срочная помощь больному лейкозом
Читают тему (гостей: 1)