- Кечеси – аяз, кюню – къыш, джарлы къаргъагъа бир аш тюш!
- Накъырданы арты керти болур.
- Аман адам этегингден тутса, кес да къач.
- Къартны бурнун сюрт да, оноугъа тут.
- Эркишини аманы тиширыуну джылатыр.
- Бети бедерден, намыс сакълама.
- Элге къуллукъ этмеген, элге ие болмаз.
- Айныгъанлы алты кюн, тогъайгъанлы тогъуз кюн.
- Аманны эки битли тону болур, бирин сеннге кийдирир, бирин кеси киер.
- Байлыкъ адамны сокъур этер.
- Рысхысына кёре, джаш ёсер, къышлыгъына кёре, мал ёсер.
- Байлыкъ болгъан джерде, тынчлыкъ джокъду.
- Уллу атлама – абынырса, уллу къабма – къарылырса.
- Ким бла джюрюсенг, аны кёзю бла кёрюнюрсе.
- Сангырау къулакъ эл бузар.
- Джылкъыдан – ат чыгъар, тукъумдан – джаш чыгъар.
- Аууздан келген, къолдан келсе, ким да патчах болур эди.
- Этни бети бла шорпасы.
- Кеси юйюмде мен да ханма.
- Накъырда – кертини келечиси.
- Баланы адам этген анады.
- Бал – татлы, балдан да бала – татлы.
- Ач келгенни – тойдур, кеч келгенни – къондур.
- Айтхан сёзюне табылгъан.
- Тыш элде солтан болгъандан эсе, кесинги элде олтан болгъан игиди!
- Ёпкелегенни ашы татлы болады.
- Джуртун къоругъан озар.
- Акъыллы айтыр эди, акъылсыз къоймайды.
- Иши джокъну, сыйы джокъ.
- Ишлемеген – тишлемез.
- Къарнынг бла ёч алма.
- Джырына кёре эжиую.
- Иги сеники эсе да, сюйген кесимикин этеме.
- Адеби болмагъан къыз – тузсуз хант.
- Хатерли къул болур.
- Къуру гыбыт бек дыгъырдар.
- Тил джюрекге джол ишлейди.
- Нёгер болсанг, тенг бол, тенг болмасанг, кенг бол.
- Уллу айтханны этмеген – уллаймаз.
- Тойгъан джерден туугъан джер игиди.
- Къарнынг тойгъунчу аша да, белинг талгъынчы ишле.
- Къошда джокъгъа – юлюш джокъ.
- Адамны аманы адамны бети бла ойнар.
- Джол бла сёзню къыйыры джокъ.
- Тенгни тенглиги джашай барсанг билинир.
- Байлыкъ келсе, акъыл кетер.
- Чабакъгъа акъыл, табагъа тюшсе келеди.
- Сабыр джетер муратха, сабырсыз къалыр уятха.
- Адамны артындан къара сабан сюрме.
- Тенги кёбню джау алмаз, акъылы кёбню дау алмаз.
Срочная помощь больному лейкозом
Читают тему (гостей: 1)