- Къарт болгъан джерде, берекет болур, сабий болгъан джерде, оюн болур.
- Ашын ашагъанынгы, башын да сыйла.
- Ачылгъан эт джабылыр, кёрген кёз унутмаз.
- Джашны джигитлиги сорулур, къызны джигерлиги сорулур.
- Ач да бол, токъ да бол – намысынга бек бол.
- Ач уят къоймаз.
- Ариу сёзде ауруу джокъ.
- Башда акъыл болмаса, эки аякъгъа кюч джетер.
- Тиширыусуз юй – отсуз от джагъа.
- Акъдан къара болмаз.
- Адам къыйынлыгъын кёлтюрюр, зауукълугъун кёлтюрмез.
- Адам сёзюнден белгили.
- Ханнга да келеди хариблик.
- Ётген ёмюр – акъгъан суу.
- Минг тенг да азды, бир джау да кёбдю.
- Кёзюнде тереги болгъан, чёбю болгъаннга кюле эди.
- Ана къойну – балагъа джандет.
- Бозаны арты дауур болур.
- Кёл ашады да, кеси ашады.
- Ашхы – джыяр, аман – джояр.
- Джаш къарыу бла кючлю, къарт акъыл бла кючлю.
- Аман хансны – урлугъу кёб.
- Башы ишлегенни, ауузу да ишлер.
- Акъыл неден да кючлюдю.
- Эртде тургъан джылкъычыны эркек аты тай табар.
- Ариу сёз – джаннга азыкъ, аман сёз – башха къазыкъ.
- Телини эшигин, махтау джабар.
- Къонакъ аман болса, къонакъбай джунчур
- Оюмсуз атлагъан, аджалсыз ёлюр.
- Кёзю сокъурдан – къоркъма, кёлю сокъурдан – къоркъ.
- Ашхы адам – халкъ байлыгъы, ашхы джер – джашау байлыгъы.
- Джарлы эскисин джамаса, къууаныр.
- Аш кетер да бет къалыр.
- Тай асырагъан, атха минер.
- Аллахха ийнаннган кишини, Аллах онгдурур ишин.
- Адамны сабийин сюйген джюреги, бычакъча, джитиди.
- Таш бла ургъанны, аш бла ур.
- Намыс сатылыб алынмайды.
- Чоюнну башы ачыкъ болса, итге уят керекди.
- Бал чибинни ургъаны – ачы, балы – татлы.
- Тас болгъан бычакъны сабы – алтын.
- Рысхы – сют юсюнде кёмюк кибикди.
- Джарашыу сюйген – джалынчакъ.
- Билген билмегенни юретген адетди.
- Тойгъанлыкъ къойгъа джарашады.
- Кёбден умут этиб, аздан къуру къалма.
- Атлыны ашхысы, ат тизгининден билинир
- Башланнган иш битер, къымылдагъан тиш тюшер.
- Джашда акъыл джокъ, къартда къарыу джокъ.
- Халкъгъа джарагъан, джарлы къалмаз.
Предлагаем работу в г. Пятигорске
Читают тему (гостей: 1)