- Ата Джуртуму башы болмасам да, босагъасында ташы болайым.
- Биреуге аманлыкъ этиб, кесинге игилик табмазса.
- Къыз тиширыу кеси юйюнде да къонакъды.
- Байлыкъ тауусулур, билим тауусулмаз.
- Нёгер болсанг, тенг бол, тенг болмасанг, кенг бол.
- Джырына кёре эжиую.
- Башы ишлегенни, ауузу да ишлер.
- Этни да ашады, бетни да ашады.
- Баланы адам этген анады.
- Кёбню кёрген – кёб билир.
- Къонакъ кёб келюучю юйню, къазаны отдан тюшмез.
- Ауругъаннга – кийик саулукъ, джетген къызгъа – чилле джаулукъ.
- Къартны бурнун сюрт да, оноугъа тут.
- Зарда марда джокъ.
- Сабий кёргенин унутмаз.
- Ач къарынны, токъ билмез
- Окъугъан озар, окъумагъан тозар.
- Окъугъан – асыу, окъумагъан – джарсыу.
- Джашынгы кесинг юретмесенг, джашау юретир.
- Орундукъ тюбюнде атылсам да, орта джиликме, де да айлан.
- Кёзюнде тереги болгъан, чёбю болгъаннга кюле эди.
- Термилгенинги табмазса, кюлгенинге тюберсе.
- Элни кючю – эмеген.
- Къонагъынгы артмагъын алма да, алгъышын ал.
- Хатерли къул болур.
- Ачылгъан эт джабылыр, кёрген кёз унутмаз.
- Уллу суу бла уллу ауруудан башынгы сакъла.
- Мал кёб болса, джууукъ кёб болур.
- Джырчы ёлсе, джыры къалыр.
- Окъугъанны бети джарыкъ.
- Орну джокъну – сыйы джокъ.
- Къуллукъчума, деб махтанма, къуллукъ – хаух джамчыды!
- Малны кют, джерни тюрт.
- Сагъыш – къартлыкъгъа сюйюмчю.
- Джумушакъ терекни къурт ашар.
- Къралынгы – душмандан, башынгы от бла суудан сакъла.
- Ашхы болсанг, атынг чыгъар, аман болсанг, джанынг чыгъар.
- Башсыз урчукъ тюзюне айланмаз.
- Аз сёлеш, кёб ишле.
- Тик ёргени, тик энгишгеси да болады.
- Ётюрюкчюню шагъаты – къатында.
- Босагъагъа джууукъ орун болса, ашыгъыб тёрге озма.
- Дженгил джетерикме деб, узун джолну къоюб, къысхасын барма.
- Онгсузну – джакъла, тенгликни – сакъла.
- Кийимни бир кюнню аясанг, минг кюннге джарар.
- Иги сёз – джаннга азыкъ, аман сёз башха – къазыкъ.
- Ауузу бла къуш тута айланады.
- Сёлеш деб шай берген, тохта деб, сом берген.
- Чалманны аллы къалай башланса, арты да алай барады.
- Адамны адамлыгъы къыйынлыкъда айгъакъланады.
Предлагаем работу в г. Пятигорске
Читают тему (гостей: 1)