- Элни кючю – эмеген.
- Юре билмеген ит, къонакъ келтирир.
- Ичимден чыкъды хата, къайры барайым сата?
- Агъач халкъгъа алтынды, иссиликге салкъынды.
- Адамны адамлыгъы къыйынлыкъда айгъакъланады.
- Чакъырылмагъан джерге барма, чакъырылгъан джерден къалма.
- Элге къуллукъ этмеген, элге ие болмаз.
- Сёлеш деб шай берген, тохта деб, сом берген.
- Рысхы – сют юсюнде кёмюк кибикди.
- Намыс болмагъан джерде, насыб болмаз.
- Иги болса, тамадама – махтау, аман болса, меннге – айыб.
- Халкъны юйю – туугъан джери.
- Джахил болса анасы, не билликди баласы?
- Ашхы адам – халкъ байлыгъы, ашхы джер – джашау байлыгъы.
- Джарлыны эшигин махтагъан джабар.
- Бюгюн дуния кибик, тамбла ахыратды.
- Ойнай билмеген, оюн бузар.
- Акъылсызны джууукъгъа алма, акъыллыны кенгнге салма.
- Джашда акъыл джокъ, къартда къарыу джокъ.
- Эл бла кёргенинг эрелей.
- Тойгъан антын унутур.
- Биреу къой излей, биреу той излей.
- Адеби болмагъан къыз – тузсуз хант.
- Къыйынлы джети элни къайгъысын этер.
- Биреуге аманлыкъны тилеме да, кесинге ашхылыкъны тиле.
- Кюлме джашха – келир башха.
- Джырчы джырчыгъа – къарнаш.
- Зар адам ашынгы ашар, кесинги сатар.
- Алим болгъандан эсе, адам болгъан къыйынды.
- Байлыкъ тауусулур, билим тауусулмаз.
- Таукел тауну аудурур.
- Билмегенинги, билгеннге сор.
- Зар адамны насыбы болмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Тёрде – темир таякълы, къаяда – чыпчыкъ аякълы.
- Шекер бла туз – бир болмаз, ушамагъан – юй болмаз.
- Чабар ат – джетген къыз.
- Тюзлюк тас болмайды.
- Ат басханны джер билед.
- Джаханимни кёрмей, джандетге кёл салмазса.
- Ач уят къоймаз.
- Арбаз къынгырды да, ийнек сауалмайма.
- Къатын къылыкъсыз, эр тынчлыкъсыз.
- Рысхысына кёре, джаш ёсер, къышлыгъына кёре, мал ёсер.
- Кютгени беш эчки, сызгъыргъаны уа, джерни джарады.
- Сескекли кесин билдирир.
- Джаз бир кюнню джатсанг, къыш талай кюнню абынырса.
- Сакъалы текени да бар, мыйыгъы киштикни да бар.
- Ачылгъан эт джабылыр, кёрген кёз унутмаз.
- Адамны бетине къарама, адетине къара.
Предлагаем работу в г. Пятигорске
Читают тему (гостей: 1)