- Таукел тауну аудурур.
- Тыш элде солтан болгъандан эсе, кесинги элде олтан болгъан игиди!
- Харам къарнашдан, халал тенг ашхы.
- Джаралыны джастыгъында сау ёлюр.
- Арпа, будай – ащды, алтын, кюмюш а – ташды.
- Ариу сёзде ауруу джокъ.
- Эл элде бирер малынг болгъандан эсе, бирер тенгинг болсун.
- Тешигини къатында, чычхан да батыр болур.
- Тил – кесген бычакъ, сёз – атылгъан окъ.
- Къатын къылыкъсыз, эр тынчлыкъсыз.
- Мухар, кеси тойса да, кёзю тоймаз.
- Тойгъанлыкъ къойгъа джарашады.
- Ач къарынны, токъ билмез
- Айран тёгюлсе, джугъусу къалыр.
- Къартха ушагъан джаш – акъыллы, джашха ушагъан къарт – тели.
- Термилгенинги табмазса, кюлгенинге тюберсе.
- Ёгюзню мюйюзлери ауурлукъ этмейдиле.
- Азыгъы аз, алгъа къабар, аты аман, алгъа чабар.
- Къартны бурнун сюрт да, оноугъа тут.
- Баш болса, бёрк табылыр.
- Башда акъыл болмаса, эки аякъгъа кюч джетер.
- Джаш болсун, къыз болсун, акъылы, саны тюз болсун.
- Ханы къызы буюгъа-буюгъа киштик болду.
- Ашхы – джыяр, аман – джояр.
- Урама да – ёледи, сатама да – келеди.
- Ат басханны джер билед.
- Баш – акъыл ючюн, акъылман – халкъ ючюн.
- Сагъышы джокъ – джукъучу, акъылы джокъ – къаугъачы.
- Джан саулукъ бермей, сан саулукъ бермезсе.
- Джыйырма къойну юч джыйырма эбзе кюте эди.
- Чабар ат – джетген къыз.
- Эки элинги тыйсанг, джети элде махталырса.
- Къатын байлыкъны сюер, эр саулукъну сюер.
- Намысы джокъну – дуниясы джокъ.
- Терек ауса, отунчу – кёб.
- Ата – баланы уясы.
- Бек анасы джыламаз.
- Тилчиден кери бол.
- Мухардан ач ычхынмаз.
- Кюн кёрмеген, кюн кёрсе, кюндюз чыракъ джандырыр.
- Ишни ахырын ойламай, аллын башлама.
- Огъурлуну сёзю – суу, огъурсузну сёзю – уу.
- Башланнган иш битер, къымылдагъан тиш тюшер.
- Сууда джау джокъ, кёб сёзде магъана джокъ.
- Тилсиз миллет джокъ болур.
- Ашлыкъ – бюртюкден, джюн – тюкден.
- Арыгъан къош чамчы болур.
- Арба аугъандан сора, джол кёргюзтюучю кёб болур.
- Аз айтсам, кёб ангылагъыз.
- Къарыусузгъа кюлме, онгсузгъа тийме.