- Ачылгъан эт джабылыр, кёрген кёз унутмаз.
- Кёбге таш атма.
- Таукел адам тау тешер.
- Биреуге аманлыкъны тилеме да, кесинге ашхылыкъны тиле.
- Кютгени беш эчки, сызгъыргъаны уа, джерни джарады.
- Джылыгъа джылан илешир.
- Гитче джилтин уллу элни джандырыр.
- Татлы сёз – балдан татлы.
- Ач отунчуну ачыуу – бурнунда.
- Хар ишни да аллы къыйынды.
- Ичимден чыкъды хата, къайры барайым сата?
- Иги болса, тамадама – махтау, аман болса, меннге – айыб.
- Тёгюлген тюгел джыйылмайды.
- Кёл ашады да, кеси ашады.
- Ётген ёмюр – акъгъан суу.
- Мал тутхан – май джалар.
- Къуллукъчума, деб махтанма, къуллукъ – хаух джамчыды!
- Ёмюрлюк шохлукъну джел элтмез.
- Тёрени джагъы джокъ.
- Эки итни арасына сюек атма, эки адамны арасында сёз чыгъарма.
- Адеб базарда сатылмаз.
- Къызын тута билмеген, тул этер, джашын тута билмеген, къул этер.
- Эки къатын алгъанны къулагъы тынгнгаймаз.
- Къатын байлыкъны сюер, эр саулукъну сюер.
- Хунаны тюбюн къазсанг, юсюнге ауар.
- Баш болса, бёрк табылыр.
- Таукел къуру къалмаз.
- Байны оноуу, джарлыгъа джарамаз.
- Ётюрюкден тюбю джокъ, кёлтюрюрге джиби джокъ.
- Байлыкъ болгъан джерде, тынчлыкъ джокъду.
- Малны кют, джерни тюрт.
- Эллинг бла джау болсанг да, юйюнг бла джау болма.
- Джюрекден джюрекге джол барды.
- Кесине оноу эте билмеген, халкъына да эте билмез.
- Ауругъан – джашаудан умутчу.
- Ата джурт – алтын бешик.
- Акъыл аздырмаз, билим тоздурмаз.
- Арбаз къынгырды да, ийнек сауалмайма.
- Аш кетер да бет къалыр.
- Ауурну тюбю бла, дженгилни башы бла джюрюген.
- Магъанасыз сёз – тауушсуз сыбызгъы.
- Ачыу алгъа келсе, акъыл артха къалады.
- Тешик этген тынчды, аны джамагъан къыйынды.
- Нёгер болсанг, тенг бол, тенг болмасанг, кенг бол.
- Зар адам ашынгы ашар, кесинги сатар.
- Ашхы тенг джолгъа салыр, аман тенг джолдан тайдырыр.
- Эрни эр этерик да, къара джер этерик да, тиширыуду.
- От этилмеген джерден тютюн чыкъмайды.
- Тин – байлыгъынг, терен саулугъунг.
- Босагъа таш юйге кирмей эди, тыбыр таш эшикге чыкъмай эди.