- Сормай – алма, чакъырылмай – барма.
- Хантына кёре тузу, юйюне кёре къызы.
- Кёзден кетген, кёлден да кетеди.
- Бёрю да ач къалмасын, эчки да ашалмасын.
- Джангызны оту джарыкъ джанмаз!
- Тёрдеги кюлсе, эшикдеги ышарыр.
- Эртде тургъан бла эртде юйленнген сокъуранмаз.
- Джангыз терек къынгыр ёсер.
- Ёлген аслан – сау чычхан.
- Ат басханны джер билед.
- Игини сыйлагъан адетди.
- Кийиминг бла танылма, адамлыкъ бла таныл.
- Адам къаллай бир ишленмесе, аллай бир кесин уллу кёреди.
- Мухардан ач ычхынмаз.
- Сабийликде юретмесенг, уллу болса – тюзелмез.
- Аууз сакълагъан – джан сакълар.
- Ачыу алгъа келсе, акъыл артха къалады.
- Ёлюк кебинсиз къалмаз.
- Ата – баланы уясы.
- Тюз сёз баргъан сууну тыяр.
- Джаш болсун, къыз болсун, акъылы, саны тюз болсун.
- Ариу сёз – джаннга азыкъ, аман сёз – башха къазыкъ.
- Орну джокъну – сыйы джокъ.
- Къая джолда джортма, ачыкъ сёзден къоркъма.
- Таш бла ургъанны, аш бла ур.
- Сёз сёзню айтдырыр.
- Джерни букъусу кёкге къонмаз.
- Къалгъан ишге къар джауар.
- Джарлы тюеге минсе да, ит къабар.
- Борчунг бар эсе, хурджунунга ойлаб узал.
- Окъ къызбайны джокълайды.
- Дженгил джетерикме деб, узун джолну къоюб, къысхасын барма.
- Джаралыны джастыгъында сау ёлюр.
- Къарыусузгъа кюлме, онгсузгъа тийме.
- Кёб джат да, бек чаб.
- Ёзденликни джайгъан – джокълукъ.
- Аш кетер да бет къалыр.
- Ёгюзню мюйюзлери ауурлукъ этмейдиле.
- Соргъан айыб тюлдю, билмеген айыбды.
- Кесине оноу эте билмеген, халкъына да эте билмез.
- Чабар ат – джетген къыз.
- Кёб къычыргъандан – къоркъма, тынч олтургъандан – къоркъ.
- Ишленмеген джаш – джюгенсиз ат, ишленмеген къыз – тузсуз хант.
- Ач – эснер, ат – кишнер.
- Сакъламагъан затынга джолукъсанг, не бек къууанаса, не бек ачыйса.
- Джылар джаш, атасыны сакъалы бла ойнар.
- Тыш элде солтан болгъандан эсе, кесинги элде олтан болгъан игиди!
- Адамны джюреги нени кёрюрге сюйсе, кёзю да аны кёрюрге ёч болады.
- Ишленмеклик адамлыкъды.
- Бал ашаргъа сюе эсенг, чибин ургъаннга тёз.
Тематические вечера/круглые столы. Карьерный клуб
Читают тему (гостей: 1)