- Ойнаб айтсанг да, эслеб айт.
- Аман адамны тепсинге олтуртсанг, къызынгы тилер.
- Сескекли кесин билдирир.
- Тели турса – той бузар.
- Къан бла кирген, джан бла чыгъар.
- Джумушакъ сёз къаты таякъны сындырыр.
- Ётген ёмюр – акъгъан суу.
- Аджашханны ызындагъы кёреди, джангылгъанны джанындагъы биледи.
- Къарнынг къанлынга кийирир.
- Арбаз къынгырды да, ийнек сауалмайма.
- Таукел адам тау тешер.
- Ач бёрюге мекям джокъ.
- Таукел тауну аудурур.
- Ач къарынны, токъ билмез
- Ашарыкъда сайлагъаннга – чий гырджын.
- Чакъырылмагъан къонакъ тёрге атламаз.
- Тил – миллетни джаны.
- Кийимни бичсенг, кенг бич, тар этген къыйын тюлдю.
- Тау башында, тау болмаз, джангыз терек, бау болмаз.
- Тёзген – тёш ашар!
- Джашны джигитлиги сорулур, къызны джигерлиги сорулур.
- Ашда уялгъан – мухар, ишде уялгъан – хомух.
- Эки итни арасына сюек атма, эки адамны арасында сёз чыгъарма.
- Эки къатын алгъан – эки ташны ортасына башын салгъан.
- Ашхы адам – халкъ байлыгъы, ашхы джер – джашау байлыгъы.
- Тюзлюк шохлукъну бегитир.
- Бет бетге къараса, бет да джерге къарар.
- Къонакъны къачан кетерин сорма, къачан келлигин сор.
- Адамны сыфатына къарама, сёзюне къара.
- Сабий кёргенин унутмаз.
- Тилчи тилден къаныкъмаз.
- Аллахха ийнаннган кишини, Аллах онгдурур ишин.
- Аманнга игилик этсенг, юйюнге сау бармазса.
- Экеулен сёлеше тура эселе, орталарына барыб кирме.
- Билеги кючлю, бирни джыгъар, билими кючлю, мингни джыгъар.
- Мал ёлсе, сюек къалыр, адам ёлсе, иши къалыр.
- Оюмсуз атлагъан, аджалсыз ёлюр.
- Дуния малгъа сатылма, кесингден телиге къатылма.
- Билим – акъылны чырагъы.
- Иги джашны ышаны – аз сёлешиб, кёб тынгылар.
- Аш хазыр болса, иш харам болур.
- «Ма», - дегенни билмесенг, «бер», - дегенни билмезсе.
- Байны къызы баймакъ болса да, юйде къалмаз!
- Кёб ант этген, кёб ётюрюк айтыр.
- Къартха ушагъан джаш – акъыллы, джашха ушагъан къарт – тели.
- Сакъалы текени да бар, мыйыгъы киштикни да бар.
- Тешигини къатында, чычхан да батыр болур.
- Тенгни тенглиги джашай барсанг билинир.
- Таш бла ургъанны, аш бла ур.
- Ашыкъгъанны этеги бутуна чырмалыр.
НОВОГОДНИЙ ТЕАТРАЛИЗОВАННЫЙ ГАЛА-КОНЦЕРТ
Читают тему (гостей: 1)