- Адебни адебсизден юрен.
- Юй кюйдю да, кюйюз чыкъды, ортасындан тюйюш чыкъды.
- Акъыллы эркиши атын махтар, акъылсыз эркиши къатынын махтар.
- Ашхы болсанг, атынг чыгъар, аман болсанг, джанынг чыгъар.
- Мухар, кеси тойса да, кёзю тоймаз.
- Халкъгъа джарагъан, джарлы къалмаз.
- Алтыннга тот къонмаз.
- Бозаны арты дауур болур.
- Бети – къучакълар, джюреги – бычакълар.
- Айыбны суу бла джууалмазса.
- Ач да бол, токъ да бол – намысынга бек бол.
- Термилгенинги табмазса, кюлгенинге тюберсе.
- Биреуню эскиси биреуге джангы болмайды.
- Миллетни бойну – базыкъ, аны бла кюрешген – джазыкъ.
- Намысы джокъну – дуниясы джокъ.
- Ёмюрлюк шохлукъну джел элтмез.
- Намыс болмагъан джерде, насыб болмаз.
- Джаным-тиним – окъуу, билим.
- Къызын тута билмеген, тул этер, джашын тута билмеген, къул этер.
- Ишин билген, аны сыйын чыгъарады.
- Шайтан алдады, тюзлюк къаргъады.
- Тюз сёз баргъан сууну тыяр.
- Чакъырылгъанны аты, чакъырылмагъанны багъасы болур.
- Тойгъа алгъа да барма, тойда артха да къалма.
- Ауузу аманнга «иги», деме.
- Таукелге нюр джауар.
- Терслик кетер, тюзлюк джетер.
- Тынгылагъан тынгы бузар.
- Сабийликде юретмесенг, уллу болса – тюзелмез.
- Насыблы элин сюер, насыбсыз кесин сюер.
- Ётюрюкчюню шагъаты – къатында.
- Садакъачыны джаны – къапчыгъында.
- Ач отунчуну ачыуу – бурнунда.
- Арбаз сайлама да, хоншу сайла.
- Уллу сёлешме да, уллу къаб.
- Сабийни джумушха джибер да, ызындан бар.
- Игиге айтсанг – билир, аманнга айтсанг – кюлюр.
- Джаш болсун, къыз болсун, акъылы, саны тюз болсун.
- Гитче джилтин уллу элни джандырыр.
- Ашхы – джыяр, аман – джояр.
- Кёзню ачылгъаны – иги, ауузну джабылгъаны – иги.
- Айныгъанлы алты кюн, тогъайгъанлы тогъуз кюн.
- Таш ата билмеген, башына урур.
- Атлыны кёрсе, джаяуну буту талыр.
- Къыйынлы джети элге оноу этер.
- Агъач – джерни чырайы, кийим – эрни чырайы.
- Хар сёзню орну барды.
- Биреуге аманлыкъны тилеме да, кесинге ашхылыкъны тиле.
- Аманны эки битли тону болур, бирин сеннге кийдирир, бирин кеси киер.
- Башы джабылгъан челекге, кир тюшмез.
НОВЫЙ СОВЕТ ФОРУМОВ. 2010 г.
Читают тему (гостей: 1)