- Къарт болгъан джерде, берекет болур, сабий болгъан джерде, оюн болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тик ёргени, тик энгишгеси да болады.
- Байны оноуу, джарлыгъа джарамаз.
- Къызбайны юйюне дери сюрсенг, батыр болур.
- Аман къатын алгъан, арыр, иги къатын алгъан джарыр.
- Сёлеш деб шай берген, тохта деб, сом берген.
- Кийимни бир кюнню аясанг, минг кюннге джарар.
- Халкъны юйю – туугъан джери.
- Халкъгъа джарагъан, джарлы къалмаз.
- Эл бла кёргенинг эрелей.
- Уллу къазанда бишген эт, чий къалмаз.
- Урунуу – насыбны анасы.
- Къонакъ аз олтурур, кёб сынар.
- Акъыллы башны – тили къысха.
- Ашын ашагъанынгы, башын да сыйла.
- Джолда аягъынга сакъ бол, ушакъда тилинге сакъ бол.
- Эки къатын алгъанны къулагъы тынгнгаймаз.
- Миллетни бойну – базыкъ, аны бла кюрешген – джазыкъ.
- Окъ къызбайны джокълайды.
- Окъугъанны бети джарыкъ.
- Кийиминг бла танылма, адамлыкъ бла таныл.
- Бозаны арты дауур болур.
- Айраннга суу къош, телиге джол бош.
- Ишлемеген – тишлемез.
- Юреннген ауруу къалмаз.
- Кёзден кетген, кёлден да кетеди.
- Узун джолну барсанг, бюгюн келирсе, къысха джолну барсанг, тамбла келирсе.
- Ойнай билмеген, оюн бузар.
- Эркишини аманы тиширыуну джылатыр.
- Оюмсуз атлагъан, аджалсыз ёлюр.
- Эрине къаргъыш этген къатын, эрнин къабар.
- Бети бедерден, намыс сакълама.
- Ана кёлю – балада, бала кёлю – талада.
- Садакъачыны джаны – къапчыгъында.
- Къайтырыкъ эшигинги, къаты уруб чыкъма.
- Къыз тиширыу кеси юйюнде да къонакъды.
- Ашхы болсанг, атынг чыгъар, аман болсанг, джанынг чыгъар.
- Кёпюр салгъан кеси ётер, уру къазгъан кеси кетер.
- Джылар джаш, атасыны сакъалы бла ойнар.
- Тюзлюк шохлукъну бегитир.
- Кийим тукъум сордурур.
- Тас болгъан бычакъны сабы – алтын.
- Айырылгъанланы айю ашар, бёлюннгенлени бёрю ашар.
- Атадан ёксюз – бир ёксюз, анадан ёксюз – эки ёксюз.
- Джыгъылгъанны сырты джерден тоймаз.
- Джылкъыдан – ат чыгъар, тукъумдан – джаш чыгъар.
- Мухардан ач ычхынмаз.
- Айыбны суу бла джууалмазса.
- Уллу атлама – абынырса, уллу къабма – къарылырса.