Ауругъаннга – кийик саулукъ, джетген къызгъа – чилле джаулукъ.
Тойгъанлыкъ къойгъа джарашады.
Агъач халкъгъа алтынды, иссиликге салкъынды.
Окъуусуз билим – джокъ, билимсиз кюнюнг – джокъ.
Къан бла кирген, джан бла чыгъар.
Чарсда алчыны эл кёреди.
Тынгылагъан тынгы бузар.
Биреу ашаб къутулур, биреу джалаб тутулур.
Алгъанда – джууукъ, бергенде – джау.
Магъанасыз сёз – тауушсуз сыбызгъы.
Джарлыны эшигин махтагъан джабар.
Кёзню ачылгъаны – иги, ауузну джабылгъаны – иги.
Нарт сёз – тилни бети.
Босагъа таш юйге кирмей эди, тыбыр таш эшикге чыкъмай эди.
Азыгъы аз, алгъа къабар, аты аман, алгъа чабар.
Сабий болмагъан джерде, мёлек болмаз.
Дууулдаса – бал чибин, къонса – къара чибин.
Аш хазыр болса, иш харам болур.
Юреннген ауруу къалмаз.
Чакъырылмай келген къонакъ сыйланмай кетер.
Уллу атлама – абынырса, уллу къабма – къарылырса.
Ариуну – ауруу кёб.
Кёбден умут этиб, аздан къуру къалма.
Акъдан къара болмаз.
Асхат ашлыкъ сата, юйдегиси ачдан къата.
Тойчу джашха къарама, къойчу джашха къара.
Иги джашны ышаны – аз сёлешиб, кёб тынгылар.
Къолунгдан къуймакъ ашатсанг да, атаны борчундан къутулмазса.
Гыдай эчки суугъа къараб, мюйюзле кёрмесе, джашма алкъын, дегенди.
Орундукъ тюбюнде атылсам да, орта джиликме, де да айлан.
Аманны тукъумуна къарама, игини тукъумун сорма.
Кёл ашады да, кеси ашады.
Баргъанынга кёре болур келгенинг.
Тас болгъан бычакъны сабы – алтын.
Термилгенинги табмазса, кюлгенинге тюберсе.
Байлыкъ келсе, акъыл кетер.
Оюмсуз атлагъан, аджалсыз ёлюр.
Джигер – джаннга къыйынлыкъ.
Тешигини къатында, чычхан да батыр болур.
Байны оноуу, джарлыгъа джарамаз.
Кесинге джетмегенни, кёб сёлешме.
Тойгъандан сора, ашны сёкме.
Харам къарнашдан, халал тенг ашхы.
Ёлюк кебинсиз къалмаз.
Кёлю джокъну – джолу джокъ.
Келинни – келгинчи, бёркню кийгинчи кёр.
Ачлыкъда тары гырджын халыуадан татлы.
Элге къуллукъ этмеген, элге ие болмаз.
Кёбге таш атма.
Сыфатында болмагъаны, суратында болмаз.
