- Тенги кёбню джау алмаз, акъылы кёбню дау алмаз.
- Ауузу аманнга «иги», деме.
- Иги адамны бир сёзю эки болмаз.
- Мухарны эси – ашарыкъда.
- Биреу ашаб къутулур, биреу джалаб тутулур.
- Баш болса, бёрк табылыр.
- Сёз садакъдан кючлюдю.
- Битмегеннге сакъал – танг.
- Биреуню эскиси биреуге джангы болмайды.
- Бичгенде ашыкъма, тикгенде ашыкъ.
- Биреуню тёрюнден, кесинги эшик артынг игиди.
- Джиби бир къат джетмей эди да, эки къат тарта эди.
- Ариу сёз – джаннга азыкъ, аман сёз – башха къазыкъ.
- Джаш къарыу бла кючлю, къарт акъыл бла кючлю.
- Адамны артындан къара сабан сюрме.
- Борчунг бар эсе, хурджунунга ойлаб узал.
- Бозанг болмагъан джерге, къалагъынгы сукъма.
- Шайтан алдады, тюзлюк къаргъады.
- Туз, гырджын аша, тюзлюк бла джаша.
- Ач бёрюге мекям джокъ.
- Билимсиз иш бармаз.
- Баш – акъыл ючюн, акъылман – халкъ ючюн.
- Акъыллы – эл иеси, тели – эл баласы.
- Ётюрюкню къуйругъу – бир тутум.
- Чомарт къолда мал къалмаз.
- Эшекни не къадар тюйсенг да, ат болмаз.
- Къайгъыны сюйген, къайгъы табар.
- Кёб джашагъан – кёб билир.
- Тели турса – той бузар.
- Джырчы ёлсе, джыры къалыр.
- Акъылсызны джууукъгъа алма, акъыллыны кенгнге салма.
- Ат да турмайды бир териде.
- Кёб ант этген, кёб ётюрюк айтыр.
- Джогъун бар этген, барын бал этген.
- Келинин тута билмеген, къул этер, къызын тута билмеген, тул этер.
- Абынмазлыкъ аякъ джокъ, джангылмазлыкъ джаякъ джокъ.
- Ариуну – ауруу кёб.
- Кирсизни – саны таза, халалны – къаны таза.
- Байлыкъдан саулукъ ашхыды.
- Чакъырылмагъан къонакъ – орунсуз.
- Кесине гебен этелмеген, биреуге черен эте эди.
- Тили узунну, намысы – къысха.
- От этилмеген джерден тютюн чыкъмайды.
- Мураты болгъанны джюрек тебюую башхады.
- Кёлю джокъну – джолу джокъ.
- Адамны адамлыгъы къыйынлыкъда айгъакъланады.
- Ата – баланы уясы.
- Ёгюзню мюйюзюнден тутадыла, адамны сёзюнден тутадыла.
- Бет бетге къараса, бет да джерге къарар.
- Аш кетер да бет къалыр.
Садакъ
Читают тему (гостей: 1)