Биреуню къыйынлыгъы бла кесинге джол ишлеме.
Ата джурт – алтын бешик.
Джашынгы кесинг юретмесенг, джашау юретир.
Аш берме да, къаш бер.
Тюзню ётмеги тюзде къалса да, тас болмаз.
Огъурлуну сёзю – суу, огъурсузну сёзю – уу.
Къуру гыбыт бек дыгъырдар.
Ач, тоймам, дейди, тойгъан, ач болмам, дейди.
Уясында не кёрсе, учханында аны этер.
Джарашыу сюйген – джалынчакъ.
Тынгылагъан тынгы бузар.
Ат басханны джер билед.
Джарлыны эшигин махтагъан джабар.
Ач келгенни – тойдур, кеч келгенни – къондур.
Ургъан суудан башынгы сакъла.
Чакъырылмай келген къонакъ сыйланмай кетер.
Игилик игилик бла сингдирилиучю затды.
Ёксюзню къалачы уллу кёрюнюр.
Джумушакъ сёз къаты таякъны сындырыр.
Тели турса – той бузар.
Таш ата билмеген, башына урур.
Ёлмесенг да, къарт дамы болмазса?
Керилген да, ургъан кибикди.
Дуния мал дунияда къалады.
Джолунга кёре – джюрюшюнг, джагъанга кёре – юлюшюнг.
Къатыны харакетли болса, эри къымсыз болур.
Акъылсызны джууукъгъа алма, акъыллыны кенгнге салма.
Адам къыйынлыгъын кёлтюрюр, зауукълугъун кёлтюрмез.
Къызын тута билмеген, тул этер, джашын тута билмеген, къул этер.
Кёлю джокъну – джолу джокъ.
Аманны тукъумуна къарама, игини тукъумун сорма.
Ачны эсинде – аш.
Ач къарынны, токъ билмез
Чакъырылмагъан къонакъ тёрге атламаз.
Миллетни бойну – базыкъ, аны бла кюрешген – джазыкъ.
Айран ичген – къутулду, джугъусун джалагъан – тутулду.
Джыланны къуйругъундан басарынг келсе, аны башы болгъанын унутма.
Къыз тиширыу кеси юйюнде да къонакъды.
Къайтырыкъ эшигинги, къаты уруб чыкъма.
Юре билмеген ит, къонакъ келтирир.
Адеб джокъда, намыс джокъ.
Сыфатында болмагъаны, суратында болмаз.
Мал кёб болса, джууукъ кёб болур.
Аурууну келиую тынч, кетиую – къыйын.
Къартха ушагъан джаш – акъыллы, джашха ушагъан къарт – тели.
Джашлыкъ этмеген, башлыкъ этмез.
Къан бла кирген, джан бла чыгъар.
Эл бла кёргенинг эрелей.
Чомарт джарлы болмаз.
Тин – байлыгъынг, терен саулугъунг.
.