- Джашлыкъ этмеген, башлыкъ этмез.
- Ёлюк кебинсиз къалмаз.
- Адамны сыфатына къарама, сёзюне къара.
- Сабий кёргенин унутмаз.
- Ашда уялгъан – мухар, ишде уялгъан – хомух.
- Насыб бютеу халкъны юлюшюдю.
- Къызбайны юйюне дери сюрсенг, батыр болур.
- Ашыкъгъанны этеги бутуна чырмалыр.
- Кеси юйюмде мен да ханма.
- Окъугъанны бети джарыкъ.
- Ханы къызы буюгъа-буюгъа киштик болду.
- Къозулугъунда тоймагъан, къойлугъунда тоймаз.
- Окъумагъан сокъурду, сокъур ташха абыныр!
- Сёз – кюмюш, джыр – алтын.
- Джол бла сёзню къыйыры джокъ.
- Кёб къычыргъандан – къоркъма, тынч олтургъандан – къоркъ.
- Шайтан алдады, тюзлюк къаргъады.
- Тилде сюек болмаса да, сюек сындырыр.
- Аманны къуугъан, аманлыкъ табар.
- Чабакъгъа акъыл, табагъа тюшсе келеди.
- Ашарыкъда сайлагъаннга – чий гырджын.
- Юйлю уругъа ит чабмаз.
- Ашхылыкъ джерде джатмайды, аманлыкъ суугъа батмайды.
- Тыш элде солтан болгъандан эсе, кесинги элде олтан болгъан игиди!
- Тойгъа алгъа да барма, тойда артха да къалма.
- Акъыл сабырлыкъ берир.
- Ишлегенде эринме, ишде чолакъ кёрюнме.
- Окъуу – билимни ачхычы, окъуу – дунияны бачхычы.
- Ёлген ийнек сютлю болур.
- Халкъгъа джарагъан, джарлы къалмаз.
- Кенгеш болса, уруш болмаз.
- «Ма», - дегенни билмесенг, «бер», - дегенни билмезсе.
- Къатыны харакетли болса, эри къымсыз болур.
- Миллетни бойну – базыкъ, аны бла кюрешген – джазыкъ.
- Сабийликде юретмесенг, уллу болса – тюзелмез.
- Бал чибинни ургъаны – ачы, балы – татлы.
- Бир абыннган – минг сюрюнюр.
- Босагъа таш юйге кирмей эди, тыбыр таш эшикге чыкъмай эди.
- Ариу сёз – къылычдан джити.
- Аман киши кеси юйюнде – къонакъ.
- Джумушакъ терекни къурт ашар.
- Тилчиден кери бол.
- Татлы сёз – балдан татлы.
- Иги – алгъыш этер, аман – къаргъыш этер.
- Бир онгсуз адам адет чыгъарды, деб эштирик тюлсе.
- Бёрю да ач къалмасын, эчки да ашалмасын.
- Биреуге кёлтюрген таягъынг, кесинги башынга урур.
- Урунуу – насыбны анасы.
- Мал ёлсе, сюек къалыр, адам ёлсе, иши къалыр.
- Ана къойну – балагъа джандет.