- Рысхы – насыбха къор.
- Берекет берсин деген джерде, берекет болур.
- Эркиши – от, тиширыу – суу.
- Ишлегенде эринме, ишде чолакъ кёрюнме.
- Аман хансны – урлугъу кёб.
- Кесинг сынамагъан затны, адамгъа буюрма.
- Ат басханны джер билед.
- Бет бетге къараса, бет да джерге къарар.
- От кюйдюрген, сау болса да, тот кюйдюрген, сау болмаз.
- Тёзгеннге, джабылгъан эшик ачылыр.
- Джети тилни билген джети кишиди.
- Хар ишни да аллы къыйынды.
- Джарлы джети элни сёзюн этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауузу бла къуш тута айланады.
- Мадар болса, къадар болур.
- Битмегеннге сакъал – танг.
- Элни кючю – эмеген.
- Билгенни къолу къарны джандырыр.
- Чакъырылгъанны аты, чакъырылмагъанны багъасы болур.
- Бети къызарыучу адамны, джюреги харам болмаз.
- Къайгъы тюбю – тенгиз.
- Тик ёргени, тик энгишгеси да болады.
- Сабыр джетер муратха, сабырсыз къалыр уятха.
- Билмейме деген – бир сёз
- Джангызны оту джарыкъ джанмаз!
- Джылкъыдан – ат чыгъар, тукъумдан – джаш чыгъар.
- Чакъырылмагъан къонакъ – орунсуз.
- Хазыр ашха – терен къашыкъ.
- Окъуу – билимни ачхычы, окъуу – дунияны бачхычы.
- Керти сёзге тёре джокъ.
- Къонакъ кёб келюучю юйню, къазаны отдан тюшмез.
- Къарнынг тойгъунчу аша да, белинг талгъынчы ишле.
- Джарлы тюеге минсе да, ит къабар.
- Джол бла сёзню къыйыры джокъ.
- Окъуусуз билим – джокъ, билимсиз кюнюнг – джокъ.
- Кёзден кетген, кёлден да кетеди.
- Окъумагъан сокъурду, сокъур ташха абыныр!
- Аманнга да, игиге да оноусуз къатышма.
- Тенги кёбню джау алмаз, акъылы кёбню дау алмаз.
- Тилчи бир сагъатха айлыкъ хата этер.
- Дуния аламаты сен эсенг да, игиме деб айтма.
- Таякъ этден ётер, тил сюекден ётер.
- Ашлыкъ – бюртюкден, джюн – тюкден.
- Уллу къазанда бишген эт, чий къалмаз.
- Къуллукъчума, деб махтанма, къуллукъ – хаух джамчыды!
- Бюгюн дуния кибик, тамбла ахыратды.
- Кёб къычыргъандан – къоркъма, тынч олтургъандан – къоркъ.
- Джырчы ёлсе, джыры къалыр.
- Окъугъанны бети джарыкъ.
Бизни миллет джер юсюнде сакъланырмы?
|
Багъалы джамагъат, кимни не тюрлю оюму барды, бу баруудан барса бизни Къарачай - Малкъар халкъыбыз джер юсюнден тас болмай къалыр амалы бармыды?
|
|
|
|
|
|
[i:855946ae69]п.с. теманы да "къарачай-малкъар культура эм тарих" деген бёлюмге кёчюргенме[/i:855946ae69]
|
|
|
|
|
|
Да билмейме сора къарнаш сени къалай ангыларгъа боллукъду. Джарсыма, хар неда аламатды дегенда сен, ызы бла менге башхасы джокъду къайсы тилде болгъаны дегенда сен. Мен ангыламагъан зат болурму ансы?
P.S. Андан - мыдан киредиле дегенинг ючюн айтырым, къарнашым мен Къарачайда джашамагъаныма 10 джил болады, ары дери сабий заманымдада хазна Кавказда джашамагъанма, алайа сюйсенг къарачай - малкъар тилни къайсы диалектинида бираз билирге кюрешеме.
Адам къайда болсада Ата джуртун, сыйлы Ана тилин бош огъай аламат билирге керекди. Таулу адетни, намысны сакълар джанындан болмасакъ игитда сакъланмаз миллет. Къайсы тилдеда джаратама мен селеширге деген адам джугъунда сакълаяллыкъ тюйюлдю деб келеди мени келюме.
|
|
|
|
|
|
къыйын ангылайма не джазгъаныгъызны))
|
|
|
|
|
|
[b:38aaf30113]Фортуна Фиделя[/b:38aaf30113], мне кажется что это диверсия- они хотят чтобы ты не смогла модерировать.
|
|
|
|
|
|
мен миллетибизни бек сюеме... алай а, дагъыда, сагъыш этсем - сакъланса, сакъланмаса да не башхасы боллукъду, дегенча да болама :smt017 :smt017 :smt017
|
||||
|
|
|
|||
Читают тему (гостей: 1)